Ishaani Krishna | 23-ാം പിറന്നാൾ ആഘോഷമാക്കി ഇഷാനി; ചിത്രങ്ങൾ പങ്കുവെച്ച് കൃഷ്ണകുമാർ

നടന്‍ കൃഷ്ണ കുമാറിന്റെ കുടുംബം എല്ലാവര്‍ക്കും പ്രിയപ്പെട്ടതാണ്. അച്ഛനും അമ്മയും നാല് മക്കളും അടങ്ങുന്ന കുടുംബത്തിലെ വിശേഷങ്ങളെല്ലാം സോഷ്യല്‍ മീഡിയയില്‍ ആഘോഷവുമാണ്.

കുടുംബത്തിലെ ആറ് പേരുടെയും ബേര്‍ത്ത് ഡേ ആഘോഷത്തിന്റെയും, അച്ഛന്റെയും അമ്മയുടെയും വിവാഹ വാര്‍ഷികത്തിന്റെയുമെല്ലാം ചിത്രങ്ങള്‍ സോഷ്യല്‍ മീഡിയയില്‍ വൈറലാവാറുണ്ട്

ഇപ്പോൾ മക്കളില്‍ മൂന്നാമത്തെ ആളായ ഇഷാനിയുടെ ബേര്‍ത്ത് ഡേ ആഘോഷത്തിന്റെ  ചിത്രങ്ങളാണ് വൈറലായത്. അച്ഛൻ ക‍ൃഷ്ണകുമാറാണ് പിറന്നാൾ ആഘോഷ ചിത്രങ്ങൾ പങ്കുവെച്ചത്.

ആശംസകൾ അറിയിച്ച എല്ലാവർക്കും നന്ദി അറിയിച്ചു കൊണ്ടായിരുന്നു കൃഷ്ണകുമാറിന്റെ പോസ്റ്റ്. പിറന്നാൾ ആശംസകൾ അറിയിച്ച് അമ്മ സിന്ധു പങ്കുവെച്ച കുറിപ്പും വൈറലായിരുന്നു.

'എന്റെ ഇഷ കുഞ്ഞിന് പിറന്നാള്‍ ആശംസകള്‍. എന്റെ സിപിള്‍ പാവം കുട്ടി. നിന്റെ എല്ലാ ആഗ്രഹങ്ങളും നടക്കട്ടെ. 23 വര്‍ഷമായി നീ തരുന്ന സ്‌നേഹത്തിന് നന്ദി. നീ എനിക്ക് എന്നും ആ കരഞ്ഞുകൊണ്ടിരിയ്ക്കുന്ന കുഞ്ഞാണ്. അതെല്ലാം ഞാനെന്നും ആസ്വദിച്ചിട്ടുണ്ട്. നീ ഒരുപാട് ദയയും ചിന്താശേഷിയുമുള്ള യുവതിയായി മാറിയിരിക്കുന്നു. ഹാപ്പി ബർത്ത്ഡേ ഇഷാനി', അമ്മ സിന്ധു കൃഷ്ണ ഇൻസ്റ്റാഗ്രാമിൽ കുറിച്ചു.

അതേസമയം സഹോദരിമാരായ അഹാനയും ദിയയും ഇഷാനിക്ക് ആശംസകൾ നേർന്ന് പോസ്റ്റുകൾ പങ്കുവെച്ചിരുന്നു.

മറ്റു സഹോദരിമാരെ പോലെ സോഷ്യല്‍ മീഡിയയില്‍ ഇഷാനിയും വളരെ സജീവമാണ്. മറ്റു മൂന്നുപേരെയും അപേക്ഷിച്ച് വര്‍ക്കൗട്ടിനും ശരീരത്തിന്റെ ഫിറ്റ്നസ്സിനും പ്രാധാന്യം നല്‍കുന്ന ആളാണ് ഇഷാനി.

സിനിമയിലും ഇഷാനി സാന്നിധ്യം അറിയിച്ചുകഴിഞ്ഞു. മമ്മൂട്ടി നായകനായ വണ്‍ എന്ന ചിത്രത്തിലെ ഇഷാനിയുടെ വേഷം ശ്രദ്ധേയമായിരുന്നു.