മാസം നാല് കോടി രൂപ; ജെഫ് ബെസോസിന്റെ താമസം വാടകവീട്ടില്‍

ലോകകോടീശ്വരന്മാരിൽ ഒരാളും ആമസോൺ സ്ഥാപകനുമായ ജെഫ് ബസോസ് താമസിക്കുന്നത് വാകടവീട്ടിൽ. ജെഫ് ബേസോസും പ്രതിശ്രുത വധു ലോറന്‍ സാഞ്ചെസും ഒരുമിച്ചാണ് ഈ വീട്ടില്‍ താമസിക്കുന്നത്. വാടക വീടാണെന്ന് കരുതി അവിടെ ആഡംബരങ്ങള്‍ക്കും സൗകര്യങ്ങള്‍ക്കും ഒരു കുറവുമില്ല.

നാല് കോടി രൂപയ്ക്കാണ് വാടകയ്ക്ക് വീടെടുത്തിരിക്കുന്നത്. ആറു ലക്ഷം ഡോളറോളം വാടകയുളള കെന്നി ജിയുടെ ഈ കൊട്ടാരം മാലിബുവിലാണ് സ്ഥിതി ചെയ്യുന്നത്.

ബസോസിന്റെ വീടിന്റെ നിർമ്മാണങ്ങൾ പുരോഗമിക്കുന്നതിനാലാണ് വാടക വീട്ടിലേക്ക് മാറിയിരിക്കുന്നത്. 175 മില്യണ്‍ യുഎസ് ഡോളര്‍ മുടക്കിയാണ് അദ്ദേഹത്തിന്റെ അത്യാഡംബര വീട് നിര്‍മിക്കുന്നത്. 1400 കോടി രൂപ വരും ചെലവ്.

യുഎസ്സിലെ ബെവര്‍ലി ഹില്‍സിലാണ് പുതിയ വീട് നിർമ്മിക്കുന്നത്. കഴിഞ്ഞ മാര്‍ച്ചിലാണ് ബെസോസ് കെന്നി ജിയുടെ എസ്റ്റേറ്റിലേക്ക് താമസം മാറിയത്. ബെസോസ് വാടകയ്ക്ക് എടുത്ത ശേഷം ഫര്‍ണിച്ചറുകള്‍ അടക്കമുള്ള സാധനങ്ങൾ സ്ഥാപിച്ചു.

ബെസോസിന്റെ പുതിയ വീട് പത്ത് ഏക്കറിലായാണ് സ്ഥിതി ചെയ്യുന്നത്. ബെവര്‍ലി ഹില്‍സ് എസ്റ്റേറ്റിലെ ഈ സ്ഥലം ജാക്ക് വാര്‍ണറില്‍ നിന്ന് 2020-ലാണ് ബെഫോസ് വാങ്ങിയത്.

ജോര്‍ജിയന്‍ ശൈലിയില്‍ പണികഴിപ്പിച്ച ആഡംബര മാളികയില്‍ എട്ട് കിടപ്പുമുറികളുണ്ട്. കാന്‍സ് ഫിലിം ഫെസ്റ്റിവലിനിടെയാണ് ബെസോസ് ലോറനോട് വിവാഹ അഭ്യർഥന നടത്തിയത്.