Kutty Akhil | വിഷുവിന് ബിഗ് ബോസ് താരം കുട്ടി അഖിലിന് പുതിയ സന്തോഷം; സുചിത്രയെ കണ്ട ആവേശത്തിൽ നാട്ടുകാരും ബന്ധുക്കളും

നടനും അവതാരകനും മുൻ ബിഗ് ബോസ് മത്സരാർത്ഥിയുമായ കുട്ടി അഖിൽ (Kutty Akhil) ഏവർക്കും പ്രിയങ്കരനാണ്. കഴിഞ്ഞ ബിഗ് ബോസ് മലയാളം സീസണിലെ മത്സരാർത്ഥിയായിരുന്നു അഖിൽ. ഈ വിഷു ദിനത്തിൽ പുതിയ സന്തോഷത്തിലാണ് അഖിൽ. ഏറെ നാളത്തെ സ്വപ്ന സാഫല്യമാണ് അഖിലിന് ഈ വിഷുക്കാലം. വിഷു, പിറന്നാൾ എന്നതിൽക്കവിഞ്ഞ് മറ്റൊരു പ്രത്യേകത കൂടിയുണ്ട് ഈ ദിവസത്തിന്

സ്വന്തമായി ഒരു വീട് എന്ന സ്വപ്നം പൂവണിഞ്ഞത് കഴിഞ്ഞ ദിവസമാണ്. പുതിയ വീട്ടിൽ അതിഥികളായി കൂട്ടുകാരായ സുചിത്ര, റിയാസ്, സൂരജ് തേലക്കാട് എന്നിവരുമെത്തി. മിനി സ്ക്രീൻ താരമായ സുചിത്രയെ കണ്ട ആവേശത്തിലായി അഖിലിന്റെ നാട്ടുകാരും ബന്ധുക്കളും. പലരും പരിചയപ്പെടാൻ അടുത്തുകൂടി (ചിത്രം: ബ്ലാക്ക് പെപ്പർ മീഡിയ) -തുടർന്ന് വായിക്കുക-

മുൻപ് താമസിച്ച വീടിന് കുറച്ചു കിലോമീറ്റററുകൾ മാറിയാണ് അഖിൽ പുതിയ വീട് സ്വന്തമാക്കിയത്. പണിപൂർത്തിയായി വരുന്ന വേളയിലാണ് അഖിൽ വീടിന്റെ ഉടമയായത്

'അഖിലകം' എന്നാണ് വീടിന് നൽകിയ പേര്. വർഷങ്ങൾക്ക് മുൻപ് താനൊരു വീട് വേണമെന്ന് ആഗ്രഹിച്ച വേളയിൽ സുഹൃത്ത് ഒരു 3D പ്ലാനും പേരും ചേർത്തു നൽകിയിരുന്നു എന്ന് അഖിൽ. എന്നാൽ വീട് വന്നപ്പോൾ ഒരു ദുഃഖവും ആ വീട്ടുപേരിനു പിന്നിൽ ഒളിഞ്ഞു

'അഖിലകം' നിർദ്ദേശിച്ച കൂട്ടുകാരൻ മരണമടഞ്ഞു. അപകട മരണമായിരുന്നു അത്. വീടിന്റെ പ്ലാൻ മാറിയെങ്കിലും, കൂട്ടുകാരന്റെ ഓർമയെ അഖിൽ പേരിനെ ഒപ്പം കൂട്ടി

വീടായി, കാർ ആയി ഇനിയെന്ത് എന്ന ചോദ്യത്തിന്, നിങ്ങൾ പ്രതീക്ഷിക്കുന്ന കാര്യം ഉടനെയൊന്നുമുണ്ടാവില്ല എന്ന് അഖിൽ വ്യക്തമാക്കിക്കഴിഞ്ഞു. സോഷ്യൽ മീഡിയയുടെ ഗോസിപ് സ്‌പെയ്‌സുകളിൽ അഖിലിന്റെയും സുഹൃത്ത് സുചിത്രയുടെയും പേരുകൾ പലപ്പോഴും ചർച്ചചെയ്യപ്പെട്ടിരുന്നു

കുട്ടി അഖിൽ, സുചിത്ര, സൂരജ് തേലക്കാട് എന്നിവർ ചേർന്നുള്ള വിഷു സ്‌പെഷൽ ഫോട്ടോഷൂട്ടിൽ നിന്നും