ക്രിസ്റ്റ്യാനോ റൊണാൾഡോ ജോർജിന റോഡ്രിഗസ് വിവാഹം കഴിഞ്ഞോ? അഭ്യൂഹങ്ങൾ ശക്തമാക്കി ജോർജിനയുടെ മോതിര ഫോട്ടോ

ഫുട്ബോൾ താരം ക്രിസ്റ്റ്യാനോ റെണാൾഡോയും ജോർജിന റോഡ്രിഗസും തമ്മിൽ ബന്ധം തുടങ്ങിയിട്ട് വർഷങ്ങൾ ആയി. ഇതിനിടെ 2017 നവംബർ 12ന് റൊണാൾഡോയുടെ കുഞ്ഞിന് ജോർജിന ജന്മം നൽകുകയും ചെയ്തു. അലാന മാർട്ടിന എന്നാണ് ഇവരുടെ മകളുടെ പേര്.

ഇരുവരുടെയും വിവാഹം കഴിഞ്ഞെന്ന തരത്തിൽ അഭ്യൂഹങ്ങൾ ഉണ്ട്. ഇപ്പോഴിതാ അഭ്യൂഹങ്ങള്‍ ശക്തമാക്കി ജോർജിനയുടെ പുതിയ ചിത്രം.

ഇറ്റലിയിൽ വീക്കെൻഡ് ആഘോഷിക്കുകയാണ് ഇരുവരും. ഇതിനിടെ ജോർജിന പങ്കുവെച്ച ഒരു ചിത്രമാണ് വിവാഹം കഴിഞ്ഞെന്ന അഭ്യൂഹങ്ങൾ ശക്തമാക്കിയത്.

ഒരു മോതിരത്തിന്റെ ചിത്രമാണ് ജോർജിന പങ്കുവെച്ചത്. സൂര്യപ്രകാശത്തിനു കീഴിലെ ജോർജിനയുടെ ചിത്രത്തിൽ എല്ലാവരുടെയും ശ്രദ്ധയെത്തുന്ന തരത്തിൽ മോതിരം കാണിച്ചിട്ടുണ്ട്. ഇതാണ് അഭ്യൂഹങ്ങൾ ശക്തമാക്കിയത്.

'വെളിച്ചം ഓഫ് ചെയ്യാതെ മറ്റുള്ളവർക്കായി തിളങ്ങാൻ‌ കഴിയുന്നവനാണ് മഹാൻ' എന്ന അടിക്കുറിപ്പോടെയാണ് ചിത്രം പങ്കുവെച്ചിരിക്കുന്നത്. റൊണാൾഡോയ്ക്കൊപ്പമുള്ള ചിത്രവും ജോർജിന പങ്കുവെച്ചു.

നിങ്ങളെക്കാൾ എനിക്ക് ഇഷ്ടമുള്ള ഒരേയൊരു കാര്യം ഞങ്ങളാണ് എന്നാണ് ഈ ചിത്രത്തിന് ജോർജിന അടിക്കുറിപ്പ് നൽകിയിരിക്കുന്നത്.

ഒറ്റയ്ക്കുള്ള ചിത്രങ്ങളും ജോർജിന പങ്കുവെച്ചിരുന്നു. നേരത്തെ റൊണാൾഡോ വീക്കെൻഡ് ചിത്രങ്ങൾ പങ്കുവെച്ചിരുന്നു. ഇത് സമൂഹമാധ്യമങ്ങളിൽ വൈറലായിരുന്നു.