ബോറിസ് ജോണ്‍സൺ വീണ്ടും അച്ഛനാകുന്നു; എട്ടാമത്തെ കുട്ടിക്കായുള്ള കാത്തിരിപ്പ്

മുൻ ബ്രീട്ടീഷ് പ്രധാനമന്ത്രി വീണ്ടും അച്ഛാനാകാനൊരുങ്ങുന്നു. ​ബോറിസ് ജോൺസന്റെ ഭാര്യ കാരി ജോൺസൺ ആണ് ഇക്കാര്യം അറിയിച്ചത്. എട്ടാമത്തെ കുട്ടിയുടെ അച്ഛനാകാനുള്ള തയാറെടുപ്പിലാണ് ബോറിസ് ജോൺസൺ. മൂന്നാമത്തെ കുഞ്ഞിനെ ഗർഭം ധരിച്ചിരിക്കുകയാണെന്നും കുഞ്ഞതിഥി ഉടൻ എത്തുമെന്നുമാണ് കാരി ഇൻസ്റ്റാഗ്രാമില്‍ കുറിച്ചു.

"പുതിയ അതിഥി വരുന്നു. ഏതാനും ആഴ്ചകൾ കൂടി കഴിഞ്ഞാൽ ആളിങ്ങെത്തും.എട്ടുമാസമായി കഠിനമായ ക്ഷീണമാണ് അനുഭവിച്ചത്. എന്നാൽ ഈ കുഞ്ഞതിഥിയെ അധിക കാലം കാത്തിരിക്കാനാവില്ല. ഒരിക്കൽ കൂടി ചേട്ടനാകുന്നതിന്റെ സന്തോഷ​ത്തിലാണ് വിൽഫ്" കാരി ഇൻസ്റ്റയിൽ കുറിച്ചു.

ബോറിസ് ജോൺസണ് മുൻ ഭാര്യ മരീന വീലറുമായുള്ള ബന്ധത്തിൽ നാലു കുട്ടികളുണ്ട്. കാമുകിയായിരുന്ന ഹെലൻ മസൈൻതിറുമായുള്ള ബന്ധത്തിൽ ഒരു കുട്ടിയുമുണ്ട്. ആദ്യ ഭാര്യ അലഗ്രാ മോസ്തിൻ ഓവനിൽ മക്കളില്ല.

2021ലാണ് 35 കാരിയായി കാരിയും 58കാരനായ ബോറിസ്ജോൺസണും വിവാഹിതരായത്. ബോറിസ് ജോൺസന്റെ മൂന്നാംവിവാഹമാണിത്.ഇവർക്ക് രണ്ടു കുട്ടികളാണുള്ളത്. മൂന്നുവയസുള്ള വിൽഫും രണ്ടു വയസുള്ള റോമിയും.

2020 ഏപ്രിലില്‍ വിൽഫും 2021 ഡിസംബറിൽ റോമിയും ജനിച്ചു. ഇരുവര്‍ക്കുമൊപ്പമുള്ള ചിത്രം പങ്കുവെച്ചുകൊണ്ടായിരുന്നു മൂന്നാമത്തെ കുഞ്ഞിനെ വരവേൽക്കാനൊരുങ്ങുന്നതെന്ന സന്തോഷ വാർത്ത കാരി അറിയിച്ചത്.

പുതിയ അതിഥിയുടെ വരവോടനുബന്ധിച്ച് ബോറിസ് ജോൺസൺ 38 ലക്ഷം പൗണ്ട് വില വരുന്ന ഒമ്പത് കിടപ്പ് മുറികളുള്ള ബംഗ്ലാവ് വാങ്ങിയിരുന്നു.