‘ക്ലിൻ കാരയ്ക്ക് ഒപ്പമുള്ള ഈ വർഷത്തെ ആദ്യത്തെ ഉത്സവം’;ഗണേശ ചതുർത്ഥി ആശംസകൾ നേർന്ന് രാം ചരൺ

രാജ്യത്തുടനീളം ഗണേഷ് ചതുർത്ഥി ആഘോഷങ്ങൾ ആരംഭിച്ചുകഴിഞ്ഞു. പ്രിയപ്പെട്ട താരങ്ങളും അത്യധികം സന്തോഷത്തോടെ ഉത്സവം ആഘോഷിക്കുകയാണ്.

ഇപ്പോഴിതാ മെഗാ സ്റ്റാർ ചിരഞ്ജീവിയുടെ കുടുംബത്തിന്റെ ഗണേഷ് ചതുർത്ഥി ആഘോഷങ്ങളാണ് സമൂഹ മാധ്യമങ്ങളില്‍ വൈറലാക്കുന്നത്.

ഇത്തവണത്തെ ആഘോഷത്തിന് ഇരട്ടി മധുരമാണ് ചിരഞ്ജീവി കുടുംബത്തിന്. താര കുടുംബത്തിലേക്ക് പുതിയ അതിഥി എത്തിയ ആദ്യ ആഘോഷമാണ്. ആഘോഷത്തിൻറെ ചിത്രം രാം ചരൺ തേജയും ചിരഞ്ജീവിയും ഇൻസ്റ്റാഗ്രാമിലൂടെ ആരാധകർക്ക് പങ്കുവച്ചിട്ടുണ്ട്.

എല്ലാവർക്കും ആഹ്‌ളാദം നിറഞ്ഞ ഗണേശ ചതുർത്ഥിയുടെ ആശംസകൾ അറിയിച്ചു കൊണ്ടായിരുന്നു രാം ചരണിന്റെ പോസ്റ്റ്. ക്ലിൻ കാരയ്ക്ക് ഒപ്പമുള്ള ഈ വർഷത്തെ ആദ്യത്തെ ഉത്സവമാണിതെന്നും ചിത്രങ്ങൾക്കു താഴെ താരം കുറിച്ചിട്ടുണ്ട്.

മൂന്ന് ചിത്രങ്ങളാണ് താരം പങ്കുവച്ചിട്ടുള്ളത്. അതിൽ ആദ്യ ചിത്രം എല്ലാവരും ഒരുമിച്ചു നിൽക്കുന്നതാണ്. രണ്ടാമത്തെ ചിത്രത്തിൽ ചിരിച്ചുകൊണ്ട് ക്ലിൻ കാരയെ നോക്കി നിൽക്കുന്ന ചിരഞ്ജീവിയെയും ഭാര്യ സുരേഖ കോനിഡേലയെയും മറ്റ് കുടുംബാംഗങ്ങളെയും കാണാം.

എന്നാലും എല്ലാവരെ കണ്ണും കുട്ടി താരത്തിലേക്കായിരുന്നു. നിരവധി പേരാണ് ആശംസകൾ അറിയിച്ച് കമന്റ ബോക്സിൽ എത്തിയത്.