മഞ്ജു ആന്റീടെ കയ്യിലിരുന്ന് മതി ബർത്ത്ഡേ ആഘോഷം; കുഞ്ഞി ഗോവർദ്ധൻ ആരെന്നു മനസിലായോ?

തന്റെ പ്രിയപ്പെട്ട സഹപ്രവർത്തകരുടെ മക്കളെ ഓമനിക്കുന്ന പ്രകൃതക്കാരിയാണ് നടി മഞ്ജു വാര്യർ (Manju Warrier). ഈ ചിത്രത്തിൽ മഞ്ജുവിന്റെ ഒക്കത്തിരിക്കുന്നതു പിറന്നാളുകാരനായ ഗോവർദ്ധനാണ്. കുഞ്ഞിനേയും എടുത്തു കൊണ്ട് ഓടിനീങ്ങുന്ന വീഡിയോ പോസ്റ്റ് ചെയ്താണ് മഞ്ജു ഗോവർദ്ധന് ജന്മദിനം ആശംസിച്ചത്. ഇതുപോലെ മഞ്ജുവിന് പ്രിയപ്പെട്ടവനാണ് കുഞ്ചാക്കോ ബോബന്റെ മകൻ ഇസഹാക്

ഗോവർദ്ധനെ പ്രേക്ഷകർക്കുമറിയാം. കുറച്ചു നാൾ മുൻപുവരെ അച്ഛന്റെയോ അമ്മയുടേയോ ഒക്കത്തിരുന്നുകൊണ്ട് പൊതുപരിപാടികളിൽ പങ്കെടുത്ത കുട്ടിയായിരുന്നു കൈക്കുഞ്ഞായ ഗോവർദ്ധൻ. ഇതാണ് ഗോവർദ്ധനും അവന്റെ അമ്മയും. പക്ഷേ അച്ഛനെയാണ് സ്‌ക്രീനിലൂടെ ഏവർക്കും പരിചയം (തുടർന്ന് വായിക്കുക)

അമ്മ സൗമ്യയുടെ സ്നേഹലാളനകൾ ഏറ്റുവാങ്ങുന്ന കുഞ്ഞാണ് ഈ ചിത്രത്തിൽ. നടനും സംവിധായകനും അവതാരകനും കൊമേഡിയനുമായ രമേശ് പിഷാരടിയുടെ ഏറ്റവും ഇളയ കുഞ്ഞാണ് ഗോവർദ്ധൻ. ഗോവർദ്ധന് ഒരു ചേച്ചിയും ചേട്ടനും കൂടിയുണ്ട്

ടി.വി. പരിപാടികളിൽ കുടുംബസമേതം പങ്കെടുക്കുന്നയാളാണ് പിഷാരടി. മലയാളം സംസാരിക്കാൻ അധികം വശമില്ലാത്തയാളാണ് പിഷാരടിയുടെ ഭാര്യ സൗമ്യ. ഹിന്ദിയാണ് സംസാര ഭാഷ. അതേസമയം, ചിലനേരങ്ങളിൽ പിഷാരടിയെ പോലെ കോമഡി പറയാനും സൗമ്യക്ക് വശമുണ്ട്

നടൻ സുരേഷ് ഗോപിയുടെ മകൾ ഭാഗ്യയുടെ വിവാഹസത്ക്കര ചടങ്ങിൽ സകുടുംബം പങ്കെടുത്ത പിഷാരടി. ഭാര്യ സൗമ്യയേയും മൂന്നു മക്കളെയും ഈ ചിത്രത്തിൽ കാണാം

കാറിനുള്ളിൽ സൺഗ്ലാസ് ധരിച്ച കുഞ്ഞുമകന്റെയൊപ്പമുള്ള രമേശ് പിഷാരടിയുടെ ചിത്രം. 'songlass' എന്ന ഫോട്ടോ ക്യാപ്‌ഷന് ഒട്ടേറെപ്പേർ പ്രോത്സാഹനം നൽകിയിരുന്നു. വ്യത്യസ്തവും പുതുമയാർന്നതുമായ ക്യാപ്‌ഷനുകൾ നൽകുന്നതിൽ രമേശ് പിഷാരടി എപ്പോഴും ശ്രദ്ധിക്കാറുണ്ട്. ചില നേരങ്ങളിൽ ഇക്കാര്യത്തിൽ കുഞ്ചാക്കോ ബോബനുമായി പിഷാരടി കടുത്ത മത്സരം നേരിടാറുണ്ട്