Kani Kusruti| കാന്താരി കൺമണിക്ക് ഇന്ന് ജന്മദിനം; കനി കുസൃതിക്ക് ഇത്ര പ്രായമോ?

കനി കുസൃതി എന്ന അഭിനേത്രിയേക്കാൾ പലർക്കും ഇഷ്ടം ആരെയും കൂസാത്ത വ്യക്തമായ നിലപാടുകളും അഭിപ്രായങ്ങളും ഉള്ള കനി എന്ന വ്യക്തിയെയാണ്.

ജീവിതം എന്നാൽ അഭിനയമല്ലെന്നും പച്ചയായ ജീവിതം എന്താണെന്നും പലപ്പോഴും കനി തന്റെ വാക്കുകളിലൂടെ ആരാധകരുമായി പങ്കിടാറുണ്ട്. കനി മാത്രമല്ല പിതാവ് മൈത്രയനേയനെയും അമ്മ ജയശ്രീയെയുമെല്ലാം പൊതുസമൂഹത്തിനെന്നും ആശ്ചര്യമാണ്.

ഇവരുടെ നിലപാടുകളും ജീവിത രീതിയും എല്ലാം പലപ്പോഴും പൊതു സമൂഹം വിമർശിക്കാറുണ്ട്. ഇങ്ങനെയും ജീവിതമോ ഇതെന്തു ജീവിതം എന്ന് ചോദിക്കുന്നവർക്ക് മുന്നിൽ ഇങ്ങനെയും ജീവിക്കാമെന്ന് ഉറക്കെ പറഞ്ഞുകൊണ്ട് ജീവിച്ചു കാണിക്കുകയാണ് കനിയുടെ കുടുംബം.

ഇപ്പോഴിതാ തന്റെ 39 ആം പിറന്നാൾ ആഘോഷിക്കുകയാണ് കനി. താരം തന്നെയാണ് സോഷ്യൽ മീഡിയയിൽ തന്റെ പിറന്നാൾ വിവരം ആരാധകരുമായി പങ്കുവെച്ചത്.

39 and a pleasant day എന്നാണ് കനി കുസൃതി ചിത്രങ്ങൾക്ക് നൽകിയിരിക്കുന്ന ക്യാപ്ഷൻ. തന്റെ 39 ആം പിറന്നാൾ ആഘോഷിക്കുന്ന തനിക്ക് ആശംസകളുമായി ആരാധകരും എത്തിയിട്ടുണ്ട്.