Katrina Kaif | മഞ്ഞ സാരിയിൽ സുന്ദരിയായി കത്രീന; കമന്റുമായി ബോളിവുഡ് താരങ്ങൾ

ഏറെ ആരാധകരുള്ള ബോളിവുഡ് താരമാണ് കത്രീന കൈഫ്.  ഇപ്പോഴിതാ സാരിയിലുള്ള മനോഹര ചിത്രങ്ങള്‍ സോഷ്യല്‍ മീഡിയയില്‍ പങ്കുവെച്ച് ആരാധകരുടെ മനം കവർന്നിരിക്കുകയാണ് കത്രീന. 

മഞ്ഞ നിറത്തിലുള്ള സാരിയിലാണ് കത്രീന സുന്ദരിയായി പ്രത്യക്ഷപ്പെട്ടത്. ദുര്‍ഗ്ഗ പൂജ ആഘോഷത്തിന്റെ ഭാഗമായാണ് താരം ഈ സില്‍ക്ക് സാരി ധരിച്ചത്.

ഗോള്‍ഡന്‍ ബോര്‍ഡറുള്ള സാരിയോടൊപ്പം മഞ്ഞ നിറത്തിലുള്ള സിംപിള്‍ ബ്ലൗസാണ് കത്രീന തിരഞ്ഞെടുത്തത്. ചുവന്ന പൊട്ടും ഹെവി കമ്മലുകളും വളകളും താരത്തെ കൂടുതല്‍ മനോഹരിയാക്കി.

ബോളിവുഡ് താരം ആലിയ ഭട്ട്, ഹുമ ഖുറേഷി തുടങ്ങിയവര്‍ കത്രീനയുടെ പോസ്റ്റിന് താഴെ കമന്റ് ചെയ്തു. 'വളരെ സുന്ദരിയായിരിക്കുന്നു, കാറ്റി' എന്നാണ് ആലിയ കുറിച്ചത്.  'സുന്ദരി' എന്നായിരുന്നു ഹുമയുടെ കമന്റ്.

നേരത്തെ നവരാത്രി ആഘോഷങ്ങളുടെ ഭാഗമായി കത്രീന ചുവപ്പ് സാരിയണിഞ്ഞ ചിത്രവും പങ്കുവെച്ചിരുന്നു. ഫ്‌ളോറല്‍ പ്രിന്റുള്ള സാരിക്കൊപ്പം ഫുള്‍ സ്ലീവ് ബ്ലൗസാണ് കത്രീന ധരിച്ചത്.