ക്യാപ്റ്റനെ അറിയിക്കാതെ റോയൽ ചലഞ്ചേഴ്സിന്റെ നീക്കങ്ങൾ: പരിഭവിച്ച് വിരാട് കോലി

IPL 13-ാം സീസണിന് മുന്നോടിയായി റോയൽ ചലഞ്ചേഴ്സ് ബാംഗ്ളൂർ അടിമുടി മാറുമെന്ന് റിപ്പോർട്ടുകൾ വന്നിരുന്നു.

പേരും ലോഗോയും അടക്കം മാറ്റി പുത്തൻ ലുക്കിലാകും ടീം എത്തുക എന്നായിരുന്നു റിപ്പോർട്ടുകൾ

എന്നാൽ ഇതിനിടെ ആരാധകരുടെ മനസിൽ ആശയക്കുഴപ്പം സൃഷ്ടിച്ച് ഐപിൽ ഇൻസ്റ്റാപേജിലെ പ്രൈഫൈൽ ഫോട്ടോയും അതുവരെയുള്ള പോസ്റ്റുകളും അപ്രത്യക്ഷമായി. ട്വിറ്റർ, ഫേസ്ബുക്ക് പേജിലും ഇതേ മാറ്റങ്ങൾ വന്നു

എന്നാൽ പുതിയ പരിഷ്കാരത്തിൻ‌റെ ഭാഗമായാകും മാറ്റം എന്നു കരുതിയിരുന്ന ആരാധകരെ 'കൺഫ്യൂഷനാക്കി' റോയൽ ചലഞ്ചേഴ്സ് ടീം ക്യാപ്റ്റൻ വിരാട് കോലിയുടെ ഒരു ട്വീറ്റെത്തി

' പോസ്റ്റുകൾ അപ്രത്യക്ഷമായി.. ക്യാപ്റ്റനെ ഒന്നും അറിയിക്കുന്നില്ല.. എന്തെങ്കിലും സഹായം ആവശ്യം ഉണ്ടെങ്കിൽ പറയണം എന്നായിരുന്നു റോയൽ ചലഞ്ചേഴ്സിനെ ടാഗ് ചെയ്ത് ടീം ക്യാപ്റ്റൻരെ ട്വീറ്റ്

എരിതീയിൽ എണ്ണ പകരുന്ന പോലെ യുസ്‌വേന്ദ്ര ചഹൽ, എബി ഡി വില്ലിയേഴ്സ്. എന്നിവരും എത്തി. ഇതെന്ത് ഗൂഗ്ലിയാണ്.. നിങ്ങളുടെ പ്രൊഫൈൽ ചിത്രവും പോസ്റ്റുകളും എവിടെ പോയ് എന്നായിരുന്നു ചഹലിന്റെ ട്വീറ്റ്

നമ്മുടെ അക്കൗണ്ടിന് എന്തുപറ്റിയെന്ന ചോദ്യവുമായാണ് എബി ഡി വില്ലിയേഴ്സ് എത്തിയത്. പുതിയ തന്ത്രങ്ങൾക്കായുള്ള ഒരു ഇടവേളയാണിതെന്ന് പ്രതീക്ഷിക്കുന്നുവെന്നും ടീം അംഗം കൂടിയായ വില്ലിയേഴ്സ് പ്രതികരിച്ചു

ക്യാപ്റ്റൻ ഉള്‍പ്പെടെയുള്ളവരുടെ ഞെട്ടലോടെയുള്ള പ്രതികരണം ആരാധകരെ പല ഊഹാപോഹങ്ങളിലേക്കും നയിച്ചിരിക്കുകയാണ്

അക്കൗണ്ട് ഹാക്ക് ചെയ്യപ്പെട്ടതാണെന്ന് ചിലർ സംശയം ഉന്നയിക്കുമ്പോൾ മാറ്റങ്ങളുടെ ഭാഗമായുളള നീക്കമാണിതെന്നാണ് മറുവാദം

ഏതായാലും റോയൽ ചലഞ്ചേഴ്സ് എന്ത് സര്‍പ്രൈസാണ് കൊണ്ടുവരാൻ പോകുന്നതെന്ന ആകാംഷയിലാണ് ആരാധകർ.