Leo| 'വിജയ് അണ്ണനോട് നന്ദി; ലിയോയിലെ സർപ്രൈസുകൾ പുറത്തുവിടരുത്'; കുറിപ്പുമായി ലോകേഷ് കനകരാജ്

ആരാധകർ ഏറെ ആകാംക്ഷയോടെ കാത്തിരുന്ന ദളപതി വിജയ്- ലോകേഷ് ചിത്രം തിയേറ്ററുകളിലെത്തി. തിയേറ്ററുകളെ ആകെ അട്ടിമറിക്കുന്ന പ്രകടനമാണ് ലിയോ ഒരുക്കിയിരിക്കുന്നത് എന്നാണ് ഓരോ ആളുകളുടെയും തീയറ്ററിനു പുറത്ത് വന്ന് പറയുന്നത്. ഇതിനിടെയിലിതാ സംവിധായകൻ ലോകേഷ് പങ്കുവച്ച കുറിപ്പാണ് സമൂഹ മാധ്യമങ്ങളിൽ വൈറലാക്കുന്നത്.

സിനിമയുടെ റിലീസിനു തൊട്ടു മുമ്പ് വിജയ്‌ അടക്കമുള്ള സിനിമാ ക്രൂവിന് നന്ദി പറഞ്ഞു കൊണ്ട് സംവിധായകൻ ലോകേഷ് കനകരാജ് പങ്കുവച്ച കുറിപ്പാണ് വൈറലായിരിക്കുന്നത്.

കുറിപ്പിൽ സിനിമയ്ക്ക് വേണ്ടി രാവും പകലും കൂടെ പ്രവർത്തിച്ചവർക്കും സ്വപ്നം സാധ്യമാക്കാൻ കൂടെ നിന്ന വിജയ്‌യ്ക്കും ലോകേഷ് നന്ദി പറയുന്നു. സിനിമയിലെ സർപ്രൈസുകൾ ആരും പുറത്തു പറയരുതെന്നും ലോകേഷ് പറയുന്നു.

കുറിപ്പിൽ ഇങ്ങനെ പറയുന്നു: ‘‘ലിയോയുടെ റിലീസിന് ഏതാനും മണിക്കൂറുകള്‍ മാത്രം ശേഷിക്കെ, വൈകാരികവും അതിശയകരവുമായിട്ടാണ് ഈ സമയത്തെ തോന്നുന്നത്. എന്റെ കാഴ്ചപ്പാട്, സ്വപ്നം മുന്നോട്ടുകൊണ്ടുവരാന്‍ എല്ലാം നല്‍കിയതിന് എന്റെ പ്രിയപ്പെട്ട ദളപതി വിജയ് അണ്ണനോട് നന്ദി പറയാന്‍ ഞാന്‍ ആഗ്രഹിക്കുന്നു. നിങ്ങള്‍ ഞങ്ങളോട് കാണിക്കുന്ന സ്നേഹത്തിന് നിങ്ങളോടും ഒരുപാട് നന്ദിയും ബഹുമാനവും.

കൂടാതെ ഈ ചിത്രത്തിൽ സ്വന്തം രക്തവും വിയര്‍പ്പും പകര്‍ന്ന എല്ലാവരോടും നന്ദി അറിയിക്കാന്‍ ഞാന്‍ ഇപ്പോള്‍ ആഗ്രഹിക്കുന്നു. ഞങ്ങൾ 'ലിയോ'യുടെ ജോലികൾ ആരംഭിച്ചിട്ട് ഒരു വർഷത്തിലേറെയായി, ചിത്രം നിങ്ങൾക്ക് എത്തിക്കാൻ രാവും പകലും തുടർച്ചയായി പ്രവർത്തിച്ചു.

' ഈ സിനിമയിൽ ജോലി ചെയ്യുന്ന ഓരോ നിമിഷവും ഞാൻ വിലമതിക്കുന്നു, ഒപ്പം അതിശയകരമായ അഭിനേതാക്കളിൽ നിന്നും അണിയറപ്രവർത്തകരിൽ നിന്നും ഒന്നിലധികം കാര്യങ്ങൾ പഠിച്ചു'.

ഒപ്പം എന്റെ പ്രിയപ്പെട്ട പ്രേക്ഷകർക്ക്, നിങ്ങൾ എനിക്ക് ചൊരിഞ്ഞ എല്ലാ സ്നേഹത്തിനും പിന്തുണയ്ക്കും നന്ദി. 'ലിയോ' ഏതാനും മണിക്കൂറുകൾക്കുള്ളിൽ നിങ്ങളുടേതാകാൻ പോകുന്നു. നിങ്ങൾക്ക് അതിശയകരമായ ഒരു ദൃശ്യാനുഭവം ഉണ്ടാകുമെന്ന് ഞങ്ങൾ പ്രതീക്ഷിക്കുന്നു.

കൂടാതെ ഓരോ വ്യക്തിക്കും സന്തോഷകരമായ അനുഭവം ലഭിക്കാൻ ഞങ്ങൾ എല്ലാവരും ആഗ്രഹിക്കുന്നതിനാൽ സിനിമയുടെ സ്‌പോയിലറുകൾ പങ്കിടരുതെന്ന് ഞാൻ നിങ്ങളോട് അഭ്യർത്ഥിക്കുന്നു.

ഈ സിനിമ എൽസിയു ആണോ അല്ലയോ എന്ന നിങ്ങളുടെ എല്ലാ ചോദ്യങ്ങള്‍ക്കും ഉത്തരം നല്‍കാന്‍, കുറച്ച് മണിക്കൂറുകള്‍ക്കുള്ളില്‍ നിങ്ങള്‍ കാത്തിരിക്കു. എന്ന് പറഞ്ഞാണ് കുറിപ്പ് അവസാനിക്കുന്നത്.