Meera Nandan | തുടക്കം മാംഗല്യം... കൂട്ടൂകാര്‍ക്കൊപ്പം ഹൽദി കളർഫുളാക്കി മീരാ നന്ദൻ

മലയാളത്തിന്റെ പ്രിയ താരമാണ് നടി മീര നന്ദന്‍(Meera Nandan). ഇപ്പോഴിതാ താരത്തിന്റെ വിവാഹ വിശേഷങ്ങളാണ് ശ്രദ്ധേയമാകുന്നത്.

വിവാഹാഘോഷങ്ങള്‍ക്ക് തുടക്കമായിരിക്കുകയാണ്. മെഹന്ദി ആഘോഷങ്ങളുടെ ചിത്രങ്ങള്‍ പങ്കുവെച്ചതിന് പിന്നാലെ ഇപ്പോഴിതാ ഹൽദി ആഘോഷങ്ങളുടെ ചിത്രങ്ങളാണ് താരം പങ്കുവെച്ചിരിക്കുന്നത്.

മെഹന്ദി ചടങ്ങിലെന്ന പോലെ തന്നെ മീരയുടെ ഹൽദിക്കും താരസാന്നിധ്യം തീരെ കുറവല്ല. പ്രിയപ്പെട്ട കൂട്ടുകാർ മീരയുടെ അടുത്തേക്ക് ഓടിയെത്തിയിട്ടുണ്ട്.

അടുത്ത കൂട്ടുകാരായ ആൻ അഗസ്റ്റിൻ(Ann Augustin), നസ്രിയ നസിം(Nazriya Nazim), ശ്രിന്ദ(Srinda) എന്നിവരെ മെഹന്ദി ചടങ്ങുകളിലെ ചിത്രങ്ങളിൽ കാണാം. കുടുബവും ആഘോഷങ്ങളിൽ മീരയുടെ കൂടെയുണ്ട്.

മീരയുടെയും ശ്രീജുവിന്റേയും കുടുംബങ്ങളും സുഹൃത്തുക്കളും നിറയുന്ന ഹൽദി ആഘോഷങ്ങളുടെ ചിത്രങ്ങൾ കൂടാതെ വീഡിയോയും താരം പങ്കുവെച്ചിട്ടുണ്ട്.

കഴിഞ്ഞ വര്‍ഷം സെപ്റ്റംബറിലായിരുന്നു മീരയുടെ വിവാഹനിശ്ചയം. വരന്‍ ശ്രീജുവാണ്. ലണ്ടനിലാണ് ശ്രീജുവിന്റെ ജോലി. മാട്രിമോണി സൈറ്റ് വഴിയാണ് മീരയും ശ്രീജുവും പരിചയപ്പെടുന്നതും വിവാഹത്തിലേക്കെത്തിയതും.

മലയാളത്തിന്റെ പ്രിയ താരമാണ് നടി മീര നന്ദന്‍. ദിലീപിന്റെ നായികയായി മുല്ല എന്ന ചിത്രത്തിലൂടെ മലയാള സിനിമയിലേക്കെത്തിയ നായികയാണ് മീര. പിന്നീട് നിരവധി ചിത്രങ്ങളില്‍ ശ്രദ്ധേയയായ താരം തമിഴിലും സജീവമായിരുന്നു.

കുറച്ചുനാളായാളി സിനിമ വിട്ട താരം ആര്‍ജെയായി ജോലി ചെയ്യുകയാണ്. സോഷ്യലിടത്ത് സജീവമായ താരം വിശേഷങ്ങളും പുതിയ ചിത്രങ്ങളുമെല്ലാം പങ്കുവയ്ക്കാറുണ്ട്. അടുത്തിടെയാണ് താരം വിവാഹകാര്യം പങ്കുവച്ചത്.