ആശ്രമത്തില്‍ ഗുരുജിക്കൊപ്പം നിലത്തിരുന്ന് ഭക്ഷണം കഴിച്ച് മോഹൻലാൽ; ഫോട്ടോ വൈറൽ

സിനിമകളുടെ തിരക്കിനിടെയിലും അതൊക്കെ ഒഴിഞ്ഞ് ശാന്തമായ സ്ഥലത്ത് യാത്ര ചെയ്യുന്ന ഒരാളാണ് മോഹൻലാൽ. താരം എത്രത്തോളം സിനിമ ജീവിതത്തിന് പ്രാധാന്യം നൽകുന്നോ അതുപൊലെ തന്നെ ജീവിതത്തിൽ ആത്മീയതയ്ക്കും പ്രാധാന്യം നൽകുന്ന നടനാണ് മോഹൻലാൽ.

ഇപ്പോഴിതാ സിനിമാ തിരക്കുകള്‍ക്കിടയില്‍ അത്തരമൊരു സ്ഥലത്ത് യാത്ര നടത്തിയ വിശേഷമാണ് സമൂഹ മാധ്യമങ്ങളിൽ വൈറലായിരിക്കുന്നത്. ആന്ധ്ര പ്രദേശിലെ കുര്‍ണൂലില്‍ അവദൂത നാദാനന്ദയുടെ ആശ്രമത്തിലാണ് മോഹന്‍ലാല്‍ എത്തിയത്.

ഗുരുജി അവധൂത നാദാനന്ദ മഹാരാജിനെയാണ് മോഹൻലാൽ കഴിഞ്ഞ ദിവസം അദ്ദേഹത്തിന്റെ ആശ്രമത്തിലെത്തി കണ്ടത്. ഇതിന്റെ ചിത്രങ്ങൾ സമൂഹ മാധ്യമങ്ങളിൽ വൈറലായി മാറിയിരിക്കുകയാണ്.

പുതിയ ചിത്രമായ എമ്പുരാന്റെ ചിത്രീകരണത്തിന്റെ ഇടവേളയിലാണ് താരം ആശ്രമ സന്ദര്‍ശനം നടത്തിയത്. ആശ്രമത്തില്‍ എത്തിയ മോഹന്‍ലാല്‍ ഗുരുജിക്കൊപ്പം ക്ഷേത്രദർശനം നടത്തുന്നതും നിലത്തിരുന്ന് ഭക്ഷണം കഴിക്കുന്നതും ഉൾപ്പെടെയുള്ള ചിത്രങ്ങളാണ് സോഷ്യൽ മീഡിയയിൽ പങ്കുവച്ചിരിക്കുന്നത്.

 കുറഞ്ഞ സമയത്തിനുള്ളില്‍ ചിത്രങ്ങൾ ആരാധകർ ഏറ്റെടുത്ത് കഴിഞ്ഞു. എഴുത്തുകാരനും തിരക്കഥാകൃത്തും സുഹൃത്തുമായ ആർ.രാമാനന്ദിനൊപ്പമാണ് മോഹൻലാൽ ആശ്രമത്തിലെത്തിയത്.

 രാമാനന്ദ് തന്നെയാണ് ചിത്രങ്ങൾ സമൂഹ മാധ്യമത്തിലൂടെ പങ്കുവച്ചത്. നാദത്തിലുണ്ടാം നമ:ശിവായപ്പൊരുൾ അവധൂത നാദാനന്ദജീ മഹാരാജിനൊപ്പം ... കർണൂൽ ..എന്ന അടിക്കുറിപ്പോടെയാണ് ചിത്രം പങ്കുവച്ചത്.