മുംബൈയിൽ 17 കോടിയുടെ ഫ്ലാറ്റ്; ആഡംബര കാറുകളുടെ വൻശേഖരം; 54 കോടിആസ്തിയുള്ള മലയാളി താരം

മലയാള സിനിമയിലെ ഏറ്റവും സമ്പനന്നായ നടനാണ് പൃഥ്വിരാജ്. അഭിനയത്തിനു പുറമേ, നിർമാണം, വിതരണം, സംവിധാനം എന്നിങ്ങനെ സിനിമയുടെ സമസ്ത മേഖലയിലും സാന്നിധ്യമറിയിച്ച താരമാണ് പൃഥ്വി.

റിപ്പോർട്ടുകൾ അനുസരിച്ച് 54 കോടി രൂപയാണ് പൃഥ്വിരാജിന്റെ ആകെ ആസ്തി. കേരളത്തിലും മുംബൈയിലും വീടുകൾ, ആഡംബര വാഹനങ്ങളുടെ വൻ ശേഖരം അങ്ങനെ നീളുന്നു പൃഥ്വിവിന്റെ ആസ്തി.

മലയാളത്തിൽ ഏറ്റവും കൂടുതൽ പ്രതിഫലം വാങ്ങുന്ന താരത്തിന് ഒരു ചിത്രത്തിന് വാങ്ങുന്ന പ്രതിഫലം 4 മുതൽ 10 കോടി രൂപവ വരെയാണ്. മോഹൻലാലിനെ നായകനാക്കി പൃഥ്വി സംവിധാനം ചെയ്ത ലൂസിഫർ മലയാളത്തിലെ എക്കാലത്തെയും ഏറ്റവും കൂടുതൽ കളക്ഷൻ നേടിയ സിനിമകളിൽ ഒന്നാണ്.

ഭാര്യ സുപ്രിയ മേനോനൊപ്പം ചേർന്നാണ് പൃഥ്വിരാജ് പ്രൊഡക്ഷൻ എന്ന പേരിൽ 2018 ൽ ആരംഭിച്ചത്. പത്തിലധികം ചിത്രങ്ങൾ പൃഥ്വിരാജ് പ്രൊഡക്ഷൻസ് നിർമിക്കുകയും വിതരണം ചെയ്യുകയും ചെയ്തിട്ടുണ്ട്.

കൂടാതെ, നിരവധി ബ്രാൻഡുകളുടെ പരസ്യങ്ങളിൽ നിന്നും വൻതുകയാണ് താരത്തിന് ലഭിക്കുന്നത്. പ്രഭാസ് നായകനാകുന്ന ഏറ്റവും പുതിയ ചിത്രം സലാറിൽ സുപ്രധാന വേഷത്തിൽ പൃഥ്വി എത്തുന്നു.

വമ്പൻ ബജറ്റിൽ ഒരുങ്ങുന്ന ചിത്രത്തിന്റെ കേരളത്തിലെ വിതരണാവകാശവും താരത്തിനാണ്. റിപ്പോർട്ടുകൾ ശരിയാണെങ്കിൽ 4 കോടിയാണ് ചിത്രത്തിൽ താരത്തിന്റെ പ്രതിഫലം.

കൊച്ചിയിലാണ് പൃഥ്വി കുടുംബസമേതം താമസിക്കുന്നത്. കൂടാതെ, മുംബൈ ബാന്ദ്രയിൽ പൃഥ്വി 17 കോടി രൂപയുടെ ഫ്ലാറ്റ് വാങ്ങിയതായും റിപ്പോർട്ടുകളിൽ പറയുന്നു.

ആഢംബര വാഹനങ്ങളുടെ വലിയൊരു ശേഖരവും പൃഥ്വിവിന് സ്വന്തമായുണ്ട്. ലംബോർഗിനി ഉറുസ് ( കാർ ദേഖോ റിപ്പോർട്ട് അനുസരിച്ച് 4.18-4.22 കോടി രൂപയ്‌ക്കിടയിലാണ് വില), '0001' നമ്പർ പ്ലേറ്റുള്ള ഒരു മെഴ്‌സിഡസ്-എഎംജി G 63 (കാർ ദേഖോ പ്രകാരം 2.45-3.30 കോടി രൂപയ്‌ക്കിടയിലാണ് വില), റേഞ്ച് റോവർ വോഗ് (വില 2.45 കോടി രൂപ), ലാൻഡ് റോവർ ഡിഫൻഡർ 110 (കാർ ദേഖോ റിപ്പോർട്ട് അനുസരിച്ച് 93.55 ലക്ഷം മുതൽ 2.30 കോടി രൂപ വരെയാണ് വില), പോർഷെ കയെൻ (കാർവാലെ റിപ്പോർട്ട് അനുസരിച്ച് 1.63-1.96 കോടി രൂപയ്‌ക്കിടയിലാണ് വില).