പരിണീതിയുടെ വിവാഹ ചടങ്ങിൽ ഉറ്റബന്ധുവായ പ്രിയങ്ക ചോപ്ര പ​ങ്കെടുത്തില്ല; കാരണം പറഞ്ഞ് നടിയുടെ അമ്മ

സിനിമാ താരം പരിണീതി ചോപ്രയും ആം ആദ്മി പാർട്ടി യുവനേതാവ് രാഘവ് ഛദ്ദും തമ്മിലുള്ള വിവാഹം കഴിഞ്ഞു. ഉദൈപൂറിന്റെ രാജകീയ പ്രൗഢിയിൽ ബന്ധുക്കളും അടുത്ത സുഹൃത്തുക്കളും മാത്രമാണ് പങ്കെടുത്തത്.

ഇരുവരുടെയും വിവാഹ ഫോട്ടോ സമൂഹ മാധ്യമങ്ങളിൽ ആകെ വൈറലായിരിക്കുകയാണ്. എന്നാല്‍ ഇതിൽ ഏറ്റവും വേണ്ടപ്പെട്ട ഒരാളുടെ അഭാവം ചർച്ചയാവുകയാണ്. അത് മറ്റൊരുമല്ല പരിണീതിയുടെ കസിനും ഹോളിവുഡ് താരസുന്ദരിയുമായ പ്രിയങ്ക ചോപ്രയുമാണ്.

ഇതിനു പിന്നാലെ പ്രിയങ്ക ചോപ്രയും കുടുംബവും വിവാഹത്തിൽ നിന്ന് വിട്ടുനിന്നതിന്റെ കാരണം വ്യക്തമാക്കിയിരിക്കുകയാണ് നടിയുടെ അമ്മ മധു ചോപ്ര.

ജോലി തിരക്കുകള്‍ കാരണമാണ് പ്രിയങ്കക്കും കുടുംബത്തിനും വിവാഹത്തില്‍ പങ്കെടുക്കാന്‍ കഴിയാതിരുന്നതെന്നാണ് അമ്മ മാധ്യമങ്ങളോട് പറഞ്ഞത്.

താൻ വിവാഹവും മറ്റു ചടങ്ങുകളും നന്നായി ആസ്വദിച്ചെന്നും മധു ചോപ്ര വ്യക്തമാക്കി. പ്രിയങ്ക എന്താണ് പരിണീതിക്ക് വിവാഹ സമ്മാനമായി നല്‍കിയത് എന്ന ചോദ്യത്തിന് അതൊന്നും ഉണ്ടായിരുന്നില്ലെന്നും താരമാതാവ് പറഞ്ഞു.

എന്നാൽ തന്റെ ആശംസകള്‍ അറിയിക്കാൻ പ്രിയങ്ക മറന്നില്ല എന്നതാണ് മറ്റൊരു കാര്യം. സമൂഹ മാധ്യമത്തിലൂടെ വിവാഹ ചിത്രങ്ങൾക്കൊപ്പമാണ് താരം ആശംസകൽ നേർന്നത് .

രണ്ടു പേർക്കും ഒരുപാട് സ്‌നേഹം. ചോപ്ര കുടുംബത്തിലേക്ക് രാഘവ് നിങ്ങളെ സ്വഗതം ചെയ്യുന്നു. എന്നു പറഞ്ഞാണ് താരം ചിത്രത്തിനു താഴെ കുറിച്ചിരിക്കുന്നത്.

നേരത്തെ പരിണീതിയുടേയും രാഘവിന്റേയും വിവാഹനിശ്ചയ്ത്തില്‍ പ്രിയങ്ക പങ്കെടുത്തിരുന്നു.