വർഷങ്ങളുടെ അടുപ്പം ;7 വർഷത്തെ ദാമ്പത്യം അവസാനിപ്പിക്കാൻ കാരണങ്ങൾ പലത്; രാജ് നിദിമോരുവിന്റെ ആദ്യ ഭാര്യ ശ്യാമളി ഡേ ഇവിടെയുണ്ട്!

നടി സമാന്ത റൂത്ത് പ്രഭുവും സംവിധായകൻ രാജ് നിദിമോരുവും തമ്മിലുള്ള വിവാഹമാണ് സിനിമാമേഖലയിൽ പുതിയ ചർച്ചാ വിഷയം. ലളിതമായ സ്വകാര്യ ചടങ്ങിൽ ഇരുവരും വിവാഹിതരായ വിവരം സമാന്ത തന്നെയാണ് സോഷ്യൽ മീഡിയയിലൂടെ പങ്കുവെച്ചത്. സമാന്തയുടെയും രാജിന്റെയും രണ്ടാം വിവാഹമാണിത്. സമാന്ത മുൻപ് നടൻ നാഗ ചൈതന്യയെ 2017-ൽ വിവാഹം കഴിച്ചിരുന്നുവെങ്കിലും ആ ബന്ധം നാല് വർഷത്തിന് ശേഷം 2021-ൽ വേർപിരിഞ്ഞു. രാജ് നിദിമോരുവും വിവാഹബന്ധം വേർപെടുത്തിയ വ്യക്തിയാണ്.

രാജ്-സമാന്ത വിവാഹ വാർത്തകൾ സജീവമായതിന് പിന്നാലെ രാജ് നിദിമോരുവിന്റെ മുൻഭാര്യ ശ്യാമളി ഡേ (Shamli Dhe) സോഷ്യൽ മീഡിയയിൽ പങ്കുവെച്ച ഒരു കുറിപ്പാണ് ഇപ്പോൾ ശ്രദ്ധനേടുന്നത്. "നിരാശരായ ആളുകൾ നിരാശാജനകമായ കാര്യങ്ങൾ ചെയ്യും എന്നായിരുന്നു ശ്യാമളിയുടെ ഇൻസ്റ്റാഗ്രാം സ്റ്റോറിയിലെ പോസ്റ്റ്.

ശ്യാമളി ഡേ മുംബൈ യൂണിവേഴ്സിറ്റിയിൽ നിന്ന് സൈക്കോളജിയിൽ ബിരുദം നേടിയ ശേഷം സിനിമാ നിർമ്മാണ മേഖലയിലേക്ക് തിരിഞ്ഞ വ്യക്തിയാണ്. പഠനം പൂർത്തിയാക്കിയ ശേഷം പ്രശസ്ത സംവിധായകരായ രാകേഷ് ഓംപ്രകാശ് മെഹ്റ, വിശാൽ ഭരദ്വാജ് എന്നിവരോടൊപ്പം പ്രവർത്തിച്ച അവർ അസിസ്റ്റന്റ് ഡയറക്ടർ, ക്രിയേറ്റീവ് കൺസൾട്ടൻ്റ്, തിരക്കഥാകൃത്ത് എന്നീ നിലകളിൽ ശ്രദ്ധേയയായി.

'രംഗ് ദേ ബസന്തി', 'ഓംകാര', 'ഏക് നദിർ ഗോൽപോ' തുടങ്ങിയ പ്രശസ്ത പ്രൊജക്റ്റുകളിൽ അവർ പ്രവർത്തിച്ചിട്ടുണ്ട്. രാജ് നിദിമോരുവും ശ്യാമളിയും 2015-ലാണ് വിവാഹിതരായത്. ഏഴ് വർഷം നീണ്ട ദാമ്പത്യം 2022-ൽ വേർപിരിയലിൽ കലാശിച്ചു.

ഇവർക്ക് ഒരു മകളുണ്ടെന്ന് ചില റിപ്പോർട്ടുകളുണ്ടെങ്കിലും, രാജിനൊപ്പം പലപ്പോഴും കാണുന്നത് അദ്ദേഹത്തിന്റെ കോ-ഡയറക്ടർ ഡി.കെ.യുടെ മകളാണെന്നും ശ്യാമളിയുമായി മക്കളില്ലെന്നും അടുത്ത വൃത്തങ്ങൾ സൂചിപ്പിക്കുന്നു. രാജിൻ്റെ പല പ്രൊജക്റ്റുകളിലും ശ്യാമളി സഹായിച്ചിട്ടുണ്ട്. സിനിമ പശ്ചാത്തലമില്ലാത്ത ശ്യാമളിയുടെ സഹായങ്ങളെക്കുറിച്ച് രാജ് പല അഭിമുഖങ്ങളിലും തുറന്നുപറഞ്ഞിട്ടുണ്ട്.

ആന്ധ്രാപ്രദേശിൽ നിന്നുള്ള രാജ് നിദിമോരു 1975 ഓഗസ്റ്റ് 4-നാണ് ജനിച്ചത്. എഞ്ചിനീയറിംഗ് പഠനം പൂർത്തിയാക്കിയ ശേഷം അമേരിക്കയിലേക്ക് പോയ രാജ്, അവിടെ വെച്ചാണ് തൻ്റെ കോ-ഡയറക്ടറായ ഡി.കെ.യെ (കൃഷ്ണ ഡി.കെ.) പരിചയപ്പെടുന്നത്.തുടർന്ന് ഇരുവരും ചേർന്ന് ഫിലിംമേക്കിംഗിൽ ഒരുമിച്ചു പ്രവർത്തിക്കാൻ തീരുമാനിച്ചു. '99' ആയിരിന്നു ഇവരുടെ ആദ്യ ഫീച്ചർ ഫിലിം.

അതേസമയം ,പദ്മപുരാണത്തിലെ പൂർവജന്മങ്ങളിലെ കടപ്പാടുകൾ വഴിയാണ് ഒരാൾക്ക് മൃഗങ്ങളുമായും ഭാര്യയുമായും മക്കളുമായും വീടുമായും ബന്ധമുണ്ടാകുന്നത് എന്നു തുടങ്ങുന്ന ശ്ലോകവും നാലുദിവസം മുൻപ് ശ്യാമലി സോഷ്യൽ മീഡിയയിൽ പങ്കുവച്ചിരുന്നു.