ഏറെ നാളത്തെ പ്രണയ സാഫല്യം! നടി രാകുൽ പ്രീത് സിംഗും നടൻ ജാക്കി ഭാഗ്നാനിയും വിവാഹിതരായി

ബോളിവുഡ് താരങ്ങളായ രാകുല്‍ പ്രീത് സിങ്ങും ജാക്കി ഭാഗ്നാനിയും വിവാഹിതരായി. ഗോവയില്‍ വച്ച് നടന്ന വിവാഹത്തില്‍ അടുത്ത ബന്ധുക്കളും സുഹൃത്തുക്കളുമാണ് പങ്കെടുത്തത്. ദമ്പതികള്‍ തന്നെയാണ് വിവാഹവാര്‍ത്ത ആരാധകരെ അറിയിച്ചത്.

ഏറെ നാളത്തെ പ്രണയസാഫല്യമാണ് ഇരുവരുടെയും.ഗോവയില്‍ നടന്ന വിവാഹ ചടങ്ങില്‍ ബന്ധുക്കളും അടുത്ത സുഹൃത്തുക്കളുമാണ് പങ്കെടുത്തത്. സിഖ്, സിന്ദി ആചാരപ്രകാരമായിരുന്നു വിവാഹ ചടങ്ങുകള്‍.

വിവാഹത്തില്‍ നിന്നുള്ള മനോഹരമായ ചിത്രങ്ങള്‍ നടി ഇന്‍സ്റ്റഗ്രാമില്‍ പങ്കുവെച്ചു. 'എന്നെന്നേക്കും എന്റേത്' എന്ന ക്യാപ്ഷനും ചിത്രത്തിനൊപ്പമുണ്ടായിരുന്നു.

ലെഹങ്ക-ചോളി സെറ്റായിരുന്നു രാകുല്‍ പ്രീതിന്റെ വിവാഹ വസ്ത്രം. ഷെര്‍വാണിയാണ് ജാക്കി ധരിച്ചത്. ചലച്ചിത്ര മേഖലയിലെ സുഹൃത്തുക്കള്‍ക്കായി ഇരുവരും മുംബൈയില്‍ റിസപ്ഷന്‍ നടത്തും.

പിങ്ക്-പീച്ച് നിറങ്ങള്‍ ചേര്‍ന്ന ലെഹങ്കയില്‍ അതിസുന്ദരിയായിരുന്നു രാകുല്‍ പ്രീത്. ക്രീം-ഗോള്‍ഡന്‍ ഷെര്‍വാണിയ്‌ക്കൊപ്പം നീളമുള്ള ഒരു നെക്ക്‌ലേസും ജാക്കി ധരിച്ചിരുന്നു. നെറ്റ് ഫാബ്രികിലുള്ള ലോങ്സ്ലീവാണ് രാകുല്‍ പ്രീതിന്റെ ചോളിയുടെ പ്രത്യേകത. 

ഇതിനൊപ്പം പീച്ച് നിറത്തിലുള്ള സെറ്റ് വളയും വലിയ കല്ലുകള്‍ പതിപ്പിച്ച ചോക്കറും അതിനോട് യോജിക്കുന്ന കമ്മലും നെറ്റിച്ചുട്ടിയും അണിഞ്ഞു. ഇന്ത്യന്‍ ഡിസൈനറായ തരുണ്‍ തഹിലിയാനിയാണ് ഇരുവരുടേയും ഔട്ട്ഫിറ്റുകള്‍ ഒരുക്കിയത്.

താരങ്ങള്‍ ഉള്‍പ്പടെ നിരവധി പേരാണ് ഇവര്‍ക്ക് ആശംസകള്‍ അറിയിച്ചത്. സമാന്ത, നയന്‍താക, മൃണാല്‍ താക്കൂര്‍, ജനീലിയ, ആയുഷ്മാന്‍ ഖുറാന, മലൈക അറോറ തുടങ്ങിയ നിരവധി താരങ്ങളാണ് ആശംസ അറിയിച്ചത്.