Ramesh Pisharody | ഒരു ഇടിയും വേസ്റ്റാവാതെ നടുവിന് തന്നെ കിട്ടിയില്ലേ? പിഷാരടി ആരോട് പഞ്ച് ചെയ്യുന്നതെന്നറിഞ്ഞാൽ ഞെട്ടിയേക്കും

കോമഡി മാത്രമല്ല, കൂമ്പിനിട്ടടിയും ഇവിടെ വളരെ രസകരമായി ശ്രമിക്കാം (പക്ഷെ നടക്കുമോ എന്ന് ഉറപ്പില്ല) എന്ന് തെളിയിക്കുകയാണ് രമേശ് പിഷാരടി (Ramesh Pisharody). പറയാനും വേണ്ടി വലിയ മസിൽ പവർ ഇല്ലെങ്കിലും, തീക്ഷണമായ നോട്ടവുമായി പിഷാരടി തുറിച്ചു നോക്കി പഞ്ച് പിടിക്കുന്നത് ലോക ചാമ്പ്യന് മുന്നിലാണ്. ബ്രിട്ടീഷ് സ്പോർട്സ് ലോകത്തു നിന്നുള്ള ലോക ഹെവി വെയ്റ്റ് ചാമ്പ്യനാണ് ഇദ്ദേഹം, പേര് ആന്തണി ജോഷ്വാ

ആറടി ആറിഞ്ചു നീളത്തിലെ ആന്തണിക്കൊപ്പമാണ് പിഷു പഞ്ച് പിടിക്കുന്നത്. രണ്ടും കല്പിച്ചുള്ള നിൽപ്പാണ് പിഷാരടി. അതുപോലെ തന്നെ ആന്തണിയും. ഇതിപ്പോ എന്ത് സാഹചര്യത്തിലാണ് പിഷു ഇത്രയുമെല്ലാം ചെയ്യേണ്ടി വന്നു എന്നല്ലേ. അതിനു നിങ്ങൾ ഈ ചിത്രത്തിന് പിന്നിലെ വാസ്തവം അറിയണം (തുടർന്ന് വായിക്കുക)

പിഷുവിന്റെ ഭാഗ്യത്തിനോ ആരോഗ്യത്തിനോ എന്ന് പറയാൻ കഴിയില്ല. ജീവനോടെ മുന്നിൽ നിൽക്കുന്ന ആന്തണിക്കൊപ്പമല്ല പിഷാരടി പഞ്ച് പിടിച്ചത്. ഇത് അദ്ദേഹത്തിന്റെ ജീവൻ തുളുമ്പുന്ന രൂപം മാത്രമാണ്. സ്ഥലം അങ്ങ് വിദേശവും. ലണ്ടനിലാണ് ഈ രംഗം അരങ്ങേറിയത്

ലണ്ടനിലെ മാഡം തുസാഡ്‌സ് വാക്സ് മ്യൂസിയത്തിലാണ് പിഷാരടി ലോക ഹെവി വെയ്റ്റ് ചാമ്പ്യനൊപ്പം രണ്ടും കല്പിച്ചുള്ള മട്ടിൽ നിൽക്കുന്നത്. ഇത് അദ്ദേഹത്തിന്റെ മെഴുകു പ്രതിമ മാത്രം. 33കാരനായ ആന്തണി 28 ഫൈറ്റുകൾ ഇതുവരെയായി നടത്തിയിട്ടുണ്ട്

എന്തായാലും ആരാധകർ രസമുള്ള കമന്റ്സ് പാസാക്കിയിട്ടുണ്ട്. അതിൽ ചിലത് ഇവിടെ കാണാം: 'വേണ്ടാ.....വേണ്ടാന്നു വിചാരിച്ചതാ..' എന്ന് പിഷാരടി ചിത്രങ്ങൾക്ക് ക്യാപ്ഷൻ നൽകിയിട്ടുണ്ട്. 'വേണ്ടന്ന് വിചാരിച്ചത് നന്നായി!!! ഇല്ലേൽ ഇടി കൊണ്ട് ചത്തേനെ' എന്ന് ഒരാരാധകൻ. 'നന്നായി ഇല്ലേൽ പടം ആയേനെ' എന്ന് മറ്റൊരാൾ

'പിഷു :എന്താടാ തുറിച്ചു നോക്കുന്നേ...എന്നോട് കളിക്കാൻ ധൈര്യമുണ്ടേൽ വാടാ; സായിപ്പ് :തന്നോട് കളിക്കാൻ ഞാനുണ്ട്; പിഷു :എടാ ഞങ്ങളോട് രണ്ടാളോടും കളിക്കാൻ ആരുണ്ട്ര', 'ഒരു ഇടിയും വേസ്റ്റ് ആയില്ല തോന്നണു എല്ലാം താങ്കളുടെ നടുവിന് തന്നെ കിട്ടി കാണുമായിരിക്കും ല്ലേ ചേട്ടാ' എന്നിങ്ങനെ പോകുന്നു കമന്റുകൾ

കുറച്ചു ദിവസങ്ങളായി കുഞ്ചാക്കോ ബോബൻ, മഞ്ജു വാര്യർ എന്നിവർക്കൊപ്പം ലോകം ചുറ്റിക്കാണുന്ന ചില ചിത്രങ്ങൾ രമേശ് പിഷാരടി പോസ്റ്റ് ചെയ്തിരുന്നു