'ചിലപ്പോ ബിരിയാണി കിട്ടിയാലൊ'; സലിം കുമാറിന് വെറൈറ്റി പിറന്നാളാശംസകളുമായി രമേശ് പിഷാരടി

മലയാളികള്‍ക്ക് എന്നും പ്രിയപ്പെട്ട നടനാണ് സലീം കുമാർ. മിമിക്രിയിലൂടെ അഭിനയ ജീവിതം ആരംഭിച്ച് ഇന്ന് മലയാളികൾ അറിയ‍പ്പെടുന്ന നടനായി മാറിയ താരമാണ് അദ്ദേഹം. മലയാളികള്‍ക്ക് ചിരിയുടെ മാലപ്പടക്കവും കണ്ണീരിന്റെ നീര്‍ച്ചാലുകളും അദ്ദേഹം സമ്മാനിച്ചിട്ടുണ്ട്.

ഇന്ന് താരത്തിന്റെ 54-ാം പിറന്നാളാണ്. താരത്തിന് പിറന്നാൾ അറിയിച്ച് നിരവധി പേരാണ് എത്തുന്നത്. എന്നാൽ വെറൈറ്റി പിറന്നാളാശംസകളുമായി എത്തിയിരിക്കുകയാണ് രമേശ് പിഷാരടി.

സലീമേട്ടന്റെ ജന്മദിനം,നിങ്ങൾക്കിഷ്ട്ടപ്പെട്ട ഡയലോഗുകൾ കമന്റ്‌ ചെയ്യൂ ,നമുക്ക് ചിരിക്കാം സന്തോഷിക്കാം "ചിലപ്പോ ബിരിയാണി കിട്ടിയാലൊ " എന്ന അടിക്കുറിപ്പോടെയാണ് താരത്തിനു രമേശ് പിഷാരടി പിറന്നാൽ ആശംസകൾ നേർന്നത്.

ചെറുപ്പകാലത്തെ സലിം കുമാറിനൊപ്പമുള്ള ചിത്രങ്ങളും ഒരുമിച്ച് സ്റ്റേജില്‍ നിന്നു ഷോ ചെയ്യുന്നതിന്‍റെ ചിത്രങ്ങളും പിഷാരടി പോസ്റ്റ് ചെയ്തിരിക്കുന്നത്.

ജന്മദിനത്തില്‍ രമേശ് പിഷാരടി പോസ്റ്റ് ചെയ്ത സലിം കുമാറിന്‍റെ ചിത്രങ്ങളും കുറിപ്പും സമൂഹ മാധ്യമം ഏറ്റെടുത്തിരിക്കുന്നത്. ഇതോടെ താരത്തിനു ജന്മദിന ആശംസകളുമായി നിരവധി പേരാണ് എത്തുന്നത്.

ഇന്ന് കാണുന്ന രമേശ് പിഷാരടിയിലേക്ക് കൈപിടിച്ചുയര്‍ത്തിയത് സലിം കുമാറാണ്. സലിം കുമാറിന്റെ മിമിക്രി ട്രൂപ്പായ ‘കൊച്ചിൻ സ്റ്റാലിയൻസി’ൽ രമേഷ് പിഷാരടി ഏറെനാൾ പ്രവർത്തിച്ചിരുന്നു.