Shobana | അന്തരിച്ച താരങ്ങൾക്ക് ശോഭന എന്തുകൊണ്ട് അനുശോചന പോസ്റ്റ് ഇടുന്നില്ല?

ഏപ്രിൽ 18 സിനിമയിൽ ബാലചന്ദ്രമേനോന്റെ 'കുട്ടാ' എന്ന വിളികേട്ട് മലയാള സിനിമയിൽ കടന്നുവന്ന കൗമാരക്കാരിയാണ് ശോഭന. നടി മാത്രമല്ല, നർത്തകിയും കൂടിയാണ് താനെന്നു ശോഭന പിന്നെ പലകുറി തെളിയിച്ചു. അവർ തന്നെ കൊറിയോഗ്രാഫി നിർവഹിച്ച മണിച്ചിത്രത്താഴ്, തേന്മാവിൻ കൊമ്പത്ത് സിനിമകളിലെ ഗാനരംഗങ്ങൾ ഉദാഹരണം. മലയാളത്തിലെ അഞ്ച് സൂപ്പർ താരങ്ങൾക്കുമൊപ്പം വേഷമിട്ട നടി എന്ന ക്രെഡിറ്റും ശോഭനയ്ക്കുണ്ട്

മലയാള സിനിമയിലെ ജീവിച്ചിരിക്കുന്നവരും മണ്മറഞ്ഞു പോയതുമായ നിരവധി പ്രതിഭകൾക്കൊപ്പം ശോഭന സ്‌ക്രീനിൽ പ്രത്യക്ഷപ്പെട്ടിരിക്കുന്നു. കുതിരവട്ടം പപ്പു, നെടുമുടി വേണു, ഇന്നസെന്റ് തുടങ്ങിയവർക്കൊപ്പം അവർ പല ചിത്രങ്ങളിലും അഭിനയിച്ചിട്ടുണ്ട്. എന്നാൽ താരങ്ങൾ വിടപറയുമ്പോൾ, സഹപ്രവർത്തകർ സോഷ്യൽ മീഡിയയിൽ ഒരു പോസ്റ്റ് ഇട്ടു ആദരാഞ്ജലി അർപ്പിക്കാറുണ്ട്. പക്ഷേ ശോഭനയെ അവർക്കൊപ്പം കാണില്ല. എന്തുകൊണ്ടാണത്? (തുടർന്ന് വായിക്കുക)

ശോഭന ഏറ്റവുമധികം സജീവമായത് അവരുടെ ഇൻസ്റ്റഗ്രാം പ്രൊഫൈലിലാണ്. ഇവിടെ നിറയെ അവരുടെ നൃത്തചുവടുകളാണ്. ഒറ്റയ്ക്കും വിദ്യാർത്ഥിനികൾക്കൊപ്പവും നൃത്തം ചെയ്യുന്നതും നൃത്ത ക്ലാസ് എടുക്കുന്നതുമായ നിരവധി വീഡിയോ ഈ പേജ് പരിശോധിച്ചാൽ കാണാം

സിനിമയിൽ ഏറെ അനുഭവസമ്പന്നതും ബന്ധങ്ങളും ഉണ്ടായിട്ടും എന്തുകൊണ്ടാണ് ശോഭന സഹതാരങ്ങൾ മരിച്ചാൽ പോസ്റ്റ് ഇടാത്തത് എന്നതിന് അവർ ഒരിക്കൽ മറുപടി പറയുകയുണ്ടായി. 'മധുരം ശോഭനം' എന്ന ടി.വി. പരിപാടിയിൽ അവർ പറഞ്ഞ വാക്കുകൾ സോഷ്യൽ മീഡിയയിൽ തരംഗം തീർക്കുകയാണ്

നടൻ ഇന്നസെന്റും സന്നിഹിതനായിരുന്ന വേദിയിലാണ് ശോഭന ഇക്കാര്യം പറഞ്ഞത്. മുകേഷും അവിടെയുണ്ടാക്കിയിരുന്നു. നെടുമുടി വേണുവിന്റെ മരണശേഷം ഉയർന്ന ചോദ്യമായിരുന്നു അതെന്ന് ശോഭന. 'വേണു ചേട്ടൻ ഇല്ലെന്നറിഞ്ഞപ്പോൾ കുറേയാൾക്കാർ ഇൻസ്റ്റഗ്രാമിൽ പോസ്റ്റ് ഇടാത്തതെന്ത് എന്ന് ചോദിച്ചു...

ഞങ്ങൾ അങ്ങനെയൊരു തലമുറയിലുള്ളവരാണ്. മരണത്തെക്കുറിച്ച് പോസ്റ്റ് ഇടുന്നത് ചിന്തിക്കാൻ സാധിക്കില്ല. അതിനെക്കുറിച്ച് സംസാരിക്കാൻ തന്നെ എനിക്കല്പം സമയം വേണ്ടിവരും' എന്നാണ് ഹൃദയത്തിൽതൊടുന്ന വാക്കുകളുമായി ശോഭന നൽകിയ മറുപടി

ചെന്നൈ കേന്ദ്രീകരിച്ചാണ് ശോഭനയുടെ നൃത്ത വിദ്യാലയവും, നൃത്താഭ്യാസവും എല്ലാം. ഏറെ നാളുകൾക്കു ശേഷം സംവിധായകൻ സത്യൻ അന്തിക്കാടിന്റെ പുത്രൻ സംവിധാനം ചെയ്ത 'വരനെ ആവശ്യമുണ്ട്' സിനിമയിലൂടെ ശോഭന മലയാളത്തിൽ മടങ്ങിവരവ് നടത്തിയിരുന്നു

'വരനെ ആവശ്യമുണ്ട്' സിനിമയിൽ ശോഭനയും സുരേഷ് ഗോപിയും