വെറും 1300 കോടിയുടെ സിനിമ ഉണ്ടാക്കിയ കുഞ്ഞ്; കുട്ടിക്കാലത്തെ ചിത്രത്തിലെ ആളെ മലയാളികൾക്കും അറിയാം

സോഷ്യൽ മീഡിയ സ്‌പെയ്‌സിൽ പലപ്പോഴും താരങ്ങളുടെയും ചലച്ചിത്ര പ്രവർത്തകരുടെയും പഴയകാല ചിത്രങ്ങൾ പ്രചരിക്കുകയും, അത് വൈറലായി മാറുകയും ചെയ്യാറുണ്ട്. അതുപോലൊരു കുട്ടിയാണ് ഈ ചിത്രത്തിൽ കാണുന്നത്. ഇങ്ങനെ ചാരുകസേരയിൽ ഇരിക്കുന്നു എന്ന് കരുതി ആൾ നിസ്സാരക്കാരനാണ് എന്ന് കരുതേണ്ട കാര്യമില്ല. 1300 കോടിയുടെ സിനിമ സമ്മാനിച്ച മിടുക്കനായ സംവിധായകനാണ് ഇത്

സംവിധായകൻ എന്ന നിലയിൽ ഇദ്ദേഹത്തിന് ഒരു ഫ്ലോപ്പ് ചിത്രം പോലുമില്ല എന്നതാണ് പ്രത്യേകത. കൂടാതെ ഇദ്ദേഹം നടത്തുന്ന പരീക്ഷണങ്ങളും നിരീക്ഷണങ്ങളും ചേർന്നൊരു സിനിമ വന്നാൽ, പിന്നെ അതുപോലെയാവണം ആ സിനിമയിലെ താരങ്ങൾ അവരുടെ വരാനിരിക്കുന്ന ചിത്രങ്ങളിലും എന്ന് പ്രേക്ഷകർ പലപ്പോഴും നിർബന്ധം പിടിക്കാറുണ്ട് (തുടർന്ന് വായിക്കുക)

ഇത്രയും പറയുമ്പോൾ തന്നെ രാജമൗലി എന്ന പേരല്ലാതെ മറ്റൊന്നും ആരുടേയും മനസ്സിൽ തെളിഞ്ഞെന്ന് വരില്ല. അതേ, നിങ്ങൾ കണ്ട ആ ബ്ലാക്ക് ആൻഡ് വൈറ്റ് ചിത്രത്തിലെ കുട്ടി രാജമൗലി തന്നെയാണ്

ഈഗ, ബാഹുബലി ചിത്രങ്ങൾ, RRR തുടങ്ങിയ സിനിമകളുടെ സംവിധായകനാണ് രാജമൗലി. ഇതിൽ ബാഹുബലി, RRR തുടങ്ങിയ ചിത്രങ്ങൾ സൃഷ്‌ടിച്ച ഓളം അത്ര നിസാരമല്ല. ഇതിൽ RRR ഓസ്കർ പുരസ്കാരം രാജ്യത്തിന് സമ്മാനിച്ച ചിത്രമാണ്

രാം ചരൺ, ജൂനിയർ എൻ.ടി.ആർ. എന്നിവർ വേഷമിട്ട RRR കീരവാണിയുടെ സംഗീതത്തിന്റെയും നായകന്മാരുടെ ചടുല നൃത്ത ചുവടുകളുടെ പെരുമയിലുമാണ് ഇന്ത്യയുടെ ഖ്യാതി ഓസ്കർ വേദിയോളം ഉയർത്തിയത്. രണ്ട് സ്വാതന്ത്ര്യ സമര സേനാനിമാരുടെ ജീവിത കഥയാണ് RRRന് ആധാരം

ലോകമെമ്പാടും നിന്നായി 1,389.31 കോടി രൂപ കളക്റ്റ് ചെയ്ത ചിത്രമാണ് രാജമൗലിയുടെ RRR. രാം ചരൺ, ജൂനിയർ എൻ.ടി.ആർമാരെ കൂടാതെ റേ സ്റ്റീവൻസൺ, ആലിയ ഭട്ട്, ശ്രിയ ശരൺ എന്നിവരും ഈ സിനിമയിൽ അഭിനയിച്ചിട്ടുണ്ട്