'നിന്റെ വീടുവരെ പോലീസ് വരാതെ ഞാനിതു വിടില്ല'; സുരഭി സന്തോഷ് കടുത്ത ഭാഷയിൽ പ്രതികരണവുമായി

'കുട്ടനാടൻ മാർപാപ്പ'യിലെ നായികമാരിൽ ഒരാളായ സുരഭി സന്തോഷിനെ (Surabhi Santosh) ഓർക്കാത്തവർ ഉണ്ടാകില്ല. അതുവരെ കണ്ട് പരിചയമില്ലാത്ത നായിക, മലയാളിയായിട്ടും അന്യഭാഷയിൽ നിന്നുമാണ് സ്വന്തം നാട്ടിലെ സിനിമയിലേക്ക് ചേക്കേറിയത്. അധികം മലയാള ചിത്രങ്ങളിൽ സുരഭി അഭിനയിച്ചിട്ടില്ല എങ്കിലും, വേഷമിട്ട ചുരുങ്ങിയ ഏതാനും സിനിമകളിൽ നിന്ന് തന്നെ സുരഭി ശ്രദ്ധ പിടിച്ചുപറ്റുകയുണ്ടായി

കുറച്ചു നാളുകൾക്ക് മുൻപ് സുരഭി ബോളിവുഡ് സംഗീത സംവിധായകനുമായി വിവാഹിതയായിരുന്നു. ആ വിശേഷവും എങ്ങും ആഘോഷിക്കപ്പെട്ടു. എന്നാലിപ്പോൾ അത്ര സന്തോഷമുള്ള കാര്യമല്ല സുരഭിക്ക് പറയാനുള്ളത്. സോഷ്യൽ മീഡിയയിൽ കയറിയാൽ എന്തും ചെയ്യാം എന്ന് കരുതുന്ന ചിലർക്കുള്ള മറുപടിയാണ് സുരഭിയുടെ പോസ്റ്റ് (തുടർന്ന് വായിക്കുക)

സ്ത്രീയോട് അപമര്യാദയായി പെരുമാറിയതാണ് വിഷയം. അതിന്റെ സ്ക്രീൻഷോട്ടുകൾ സുരഭിയുടെ ഇൻസ്റ്റഗ്രാം സ്റ്റോറിയിലും കാണാം. അതെല്ലാം വച്ചാണ് സുരഭിയുടെ പോസ്റ്റ്

സൈബർ പോലീസിൽ പരാതികൊടുത്ത്, അവിടെ നിന്നും ഐ.പി. അഡ്രസ് എടുത്തുകൊള്ളാം എന്നാണ് സുരഭി പറഞ്ഞത്. അപ്പോഴേക്കും അക്കൗണ്ട് ഹാക്ക് ചെയ്യപ്പെട്ടു എന്ന് പറഞ്ഞ് ഇയാൾ സുരഭിയോട് ക്ഷമ ചോദിക്കുന്നുണ്ട്

'കളി ഞാൻ പഠിപ്പിച്ചു തരാം മോനേ' എന്നായതും, അക്കൗണ്ട് ഹാക്ക് ആയെന്നും, താനല്ല മെസ്സേജ് അയച്ചതെന്നും ഒക്കെയായി അയാൾ. മെസ്സേജ് കണ്ടില്ല എന്നും, ഫേക്ക് ക്രിയേറ്റ് ചെയ്തതാണെന്നും ഒക്കെയായി പരിഭവം. എന്നാൽ സുരഭി വിട്ടുകൊടുക്കാൻ തയാറല്ല

'നിന്നെ ഞാൻ കോടതി കയറ്റിയിട്ടേ കാര്യമുള്ളൂ' എന്നായി. ക്ഷമാപണം തുടരുകയും, പോസ്റ്റ് ഡിലീറ്റ് ചെയ്യുകയും ചെയ്തു എന്ന് പറഞ്ഞിട്ടും സുരഭി മുന്നോട്ടു തന്നെയാണ്

നടിയോ മോഡലോ ഏതു സ്ത്രീയോ ആയിക്കോട്ടെ, അവരുടെ സന്തോഷത്തിനും സംതൃപ്തിക്കുമായി ചിത്രങ്ങൾ പോസ്റ്റ് ചെയ്യും. അതുമായി നിങ്ങൾ ഒത്തുപോവുകയോ, പോകാതിരിക്കുകയോ ചെയ്യാം, എന്ന് കരുതി എന്തും വിളിച്ചു പറയരുത് എന്ന് സുരഭി ഇത്തരക്കാരെ താക്കീതു ചെയ്യുന്നു. അത്തരത്തിൽ സ്വന്തം മാലിന്യം മറ്റുള്ളവരിലേക്ക് വലിച്ചെറിഞ്ഞാൽ, അത് നിങ്ങളുടെ മുഖത്തേക്ക് തന്നെ തിരിച്ച് എറിയപ്പെടും എന്നും സുരഭി