Seema Vineeth | 'കൊട്ടും കുരവയുമില്ലാതെ അവർ ഒന്നായി'; സീമ വിനീതും നിശാന്തും വിവാഹിതരായി

സോഷ്യൽ മീഡിയയിൽ ഏറെ ഫോളോവേഴ്സ് ഉള്ള സെലിബ്രിറ്റി മേക്കപ്പ് ആർട്ടിസ്റ്റും ട്രാൻസ് വുമനും ആണ് സീമ വിനീത്. ഇപ്പോൾ സീമ വിനീത് (Seema Vineeth) വിവാഹിതരായിരിക്കുകയാണ്.

നിശാന്താണ് വരൻ. ആഘോഷങ്ങളൊന്നുമില്ലാതെ രജിസ്റ്റർ വിവാഹമാണ് ഇരുവരും തിരഞ്ഞെടുത്തത്.

'കൊട്ടും കുരവയും ആർപ്പുവിളികളും ആരവങ്ങളും ആൾക്കൂട്ടവും ഇല്ലാതെ..... ഫൈനലി ഒഫിഷ്യലി മാരീഡ്', എന്ന അടിക്കുറിപ്പോടെയാണ് വിവാഹം രജിസ്റ്റർ ചെയ്തെന്ന വിവരം സീമ പങ്കുവെച്ചത്.

തന്റെ ഇന്‍സ്റ്റാഗ്രാമിലൂടെയാണ് സീമ കുറിപ്പ് പങ്കുവെച്ചത്. ചിത്രം പങ്കുവെച്ചതോടെ നിരവധി പേരാണ് ആശംസകൾ അറിയിച്ച് എത്തുന്നത്.

എന്തായാലും പോസ്റ്റ് ഇതിനോടകം തന്നെ വൈറലാണ്. ഇരുവരും സന്തോഷത്തോടെ ഇരിക്കട്ടെ എന്ന രീതിയിലുള്ള കമന്റുകളും നിറയുന്നുണ്ട്.

കഴിഞ്ഞ ഏപ്രിലിൽ ആയിരുന്നു സീമയും നിശാന്തും തമ്മിലുള്ള വിവാഹ നിശ്ചയം. എന്റെ ഹൃദയം കവർന്നയാളെ കണ്ടെത്തി എന്ന കുറിപ്പോടെ ആയിരുന്നു സീമ തന്റെ വിവാഹ നിശ്ചയ ചിത്രങ്ങൾ ആരാധകർക്കായി പങ്കുവെച്ചത്.

വിവാഹ നിശ്ചയം നടത്തി അഞ്ചുമാസത്തിനു ശേഷം ആ ബന്ധത്തിൽ നിന്ന് പിന്മാറുകയാണെന്ന അറിയിപ്പും പിന്നീട് ഇരുവരും വീണ്ടും ഒന്നായതും ഏറെ ചർച്ചയായിരുന്നു.