Trisha | നയൻസും സാമും അല്ല; പ്രതിഫലത്തിൽ തെന്നിന്ത്യൻ നായികമാരെ കടത്തിവെട്ടി തൃഷ കൃഷ്ണൻ

'പൊന്നിയിൻ സെൽവൻ' (Ponniyin Selvan) എന്ന ചിത്രത്തിലെ പ്രകടനത്തിലൂടെ നടി തൃഷ കൃഷ്ണൻ (Trisha Krishnan) വീണ്ടും പ്രേക്ഷകരുടെ മനസ്സിൽ ഇടം നേടിയിരിക്കുകയാണ്. ചിത്രം വ്യാപകമായി ശ്രദ്ധയും വിജയവും നേടുകയും തൃഷയുടെ താരമൂല്യം ഒരു പാൻ-ഇന്ത്യൻ തലത്തിലേക്ക് ഉയരുകയും ചെയ്തു. തൃഷയുടെ കരിയർ ഇവിടം മുതൽ വീണ്ടും വളരുമെന്ന് സിനിമാ വൃത്തങ്ങളിൽ പ്രതീക്ഷയുണ്ട്

പൊന്നിയിൻ സെൽവൻ II എന്ന ചിത്രത്തിലെ വേഷത്തെത്തുടർന്ന്, തൃഷയുടെ ജനപ്രീതിയും ആരാധകവൃന്ദവും കണക്കിലെടുത്ത്, പല നെറ്റിസൺമാരും ഉയർന്ന പ്രതിഫലം ഇപ്പോൾ ഒരു സാധാരണ സംഭവമായി കാണുന്നു. മറ്റ് ചില തെന്നിന്ത്യൻ നടിമാരും ഇത്രയും വലിയ പ്രതിഫലം സമ്പാദിക്കുന്നുണ്ട് (തുടർന്നു വായിക്കുക)

'സിറ്റഡൽ' പരമ്പരയിലെ അഭിനയത്തിന് സമാന്തയ്ക്ക് 10 കോടി രൂപ പ്രതിഫലമായി ലഭിക്കുമെന്നും റിപ്പോർട്ടുകളുണ്ട്. 10 കോടി രൂപ പ്രതിഫലം ലഭിക്കുന്ന പ്രോജക്റ്റുകളിൽ തൃഷ ഒപ്പുവച്ചു അല്ലെങ്കിൽ ഒപ്പിടാനുള്ള പ്രക്രിയയിലാണ് എന്നാണ് വാർത്ത

അതുപോലെ നയൻതാര ഒരു ചിത്രത്തിന് 10 കോടി രൂപ പ്രതിഫലം ആവശ്യപ്പെടുന്നതായും റിപോർട്ടുണ്ട്. സ്ത്രീ കേന്ദ്രീകൃതമായ ശക്തമായ വേഷങ്ങൾക്കും, തമിഴ് സിനിമയിലെ മുൻനിര താരങ്ങളുമായുള്ള ചിത്രങ്ങൾക്കും ശേഷം നയൻതാര സമീപ വർഷങ്ങളിൽ ഒരു മുൻനിര നടിയായി ഉയർന്നു കഴിഞ്ഞു

ഷാരൂഖ് ഖാനൊപ്പം ആറ്റ്‌ലിയുടെ 'ജവാൻ' എന്ന ചിത്രത്തിലാണ് നയൻസ് ഇപ്പോൾ അഭിനയിക്കുന്നത്. ചിരഞ്ജീവിയ്‌ക്കൊപ്പം ഒരു തെലുങ്ക് ചിത്രവും 'ബ്രോ ഡാഡി' എന്ന സിനിമയുടെ റീമേക്കായ ചിത്രവും ഉൾപ്പെടെ തൃഷ കൃഷ്ണന്റെതായി വരാനിരിക്കുന്നു<span style="color: #333333; font-size: 1rem;"> </span>

കൂടാതെ, ലോകേഷ് കനകരാജ് സംവിധാനം ചെയ്യുന്ന 'ലിയോ' എന്ന ചിത്രത്തിൽ 15 വർഷത്തിന് ശേഷം തൃഷ ദളപതി വിജയ്ക്കൊപ്പം വീണ്ടും വേഷമിടുന്നു. കശ്മീരിൽ ചിത്രത്തിന്റെ ഷൂട്ടിംഗ് പുനഃരാരംഭിച്ചപ്പോൾ സിനിമയുടെ വിശേഷം അവർ സോഷ്യൽ മീഡിയയിൽ പങ്കിട്ടിരുന്നു