നയൻതാരയുടെ പിറന്നാളിന് വിക്കി നൽകിയ സമ്മാനം; വീട്ടിലെ പുതിയ താരത്തിന്റെ വില 3.40 കോടിയോളം

ഇന്ത്യൻ സിനിമയിൽ ഏറ്റവും അധികം ആഘോഷിക്കപ്പെടുന്ന താരദമ്പതികളാണ് നയൻതാരയും വിഘ്നേഷ് ശിവനും. ജീവിതത്തിലെ ഓരോ പ്രധാന നിമിഷവും ഇരുവരും സോഷ്യൽമീഡിയയിൽ പങ്കുവെക്കുകയും ആഘോഷിക്കുകയും ചെയ്യാറുണ്ട്.

ഇന്ത്യൻ സിനിമയിലെ മുൻനിര നായികമാരിൽ ഒരാളാണ് നയൻതാര. ഷാരൂഖ് ഖാനൊപ്പം ജവാനിൽ നായികയായതോടെ നയൻസിന് പാൻ ഇന്ത്യൻ പരിവേഷവും ലഭിച്ചിട്ടുണ്ട്.

ഇക്കഴിഞ്ഞ നവംബർ 18 നായിരുന്നു നയൻതാരയുടെ പിറന്നാൾ. 39ാം പിറന്നാൾ ഭർത്താവ് വിക്കിക്കും മക്കളായ ഉയിർ, ഉലഗിനുമൊപ്പമാണ് നയൻതാര ആഘോഷിച്ചത്.

ഇപ്പോഴിതാ പിറന്നാളിന് ഭർത്താവ് നൽകിയ വിലകൂടിയ സമ്മാനം ആരാധകരുമായി പങ്കുവെച്ചിരിക്കുകയാണ് നയൻതാര. തന്റെ ഇൻസ്റ്റഗ്രാം അക്കൗണ്ടിലൂടെയാണ് നയൻസ് സന്തോഷം പങ്കുവെച്ചത്.

ജർമൻ ആഢംബര കാർ ബ്രാൻഡ് ആയ മെഴ്സിഡസ് ബെൻസ് മേബാക്ക് ആണ് വിക്കി നയൻസിന് സമ്മാനിച്ചത്. ഏറ്റവും മനോഹരമായ പിറന്നാൾ സമ്മാനത്തിന് ഭർത്താവിനോട് നയൻസ് നന്ദിയും പറയുന്നുണ്ട്.

മേബാക്കിന്റെ രണ്ട് ചിത്രങ്ങളാണ് നയൻതാര പങ്കുവെച്ചത്. 2.69 കോടിക്കും 3.40 കോടിക്കും ഇടയിലാണ് ആഢംബര വാഹനത്തിന്റെ വില.

ഒരു പിറന്നാളിന് ഇത്ര വില കൂടിയ സമ്മാനമാണോ വിക്കി നയൻതാരയ്ക്ക് നൽകിയത് എന്ന് അത്ഭുതപ്പെടുകയാണ് ആരാധകർ.

നേരത്തേ, നയൻതാരയുടെ പിറന്നാൾ ആഘോഷത്തിന്റെ ചിത്രങ്ങളും വിക്കി സോഷ്യൽമീഡിയയിൽ പങ്കുവെച്ചിരുന്നു. 2022 ജൂൺ ഒമ്പതിനായിരുന്നു വിക്കിയും നയൻസും വിവാഹിതരായത്. ഒക്ടോബർ ഇരുവർക്കും ഇരട്ട ആൺകുട്ടികൾ പിറന്നു. ഉയിർ, ഉലഗ് എന്നാണ് മക്കൾക്ക് താര ദമ്പതികൾ പേര് നൽകിയത്.