' എന്തായാലും സംഭവം കേറി കൊളുത്തി'; ഇൻസ്റ്റാഗ്രാമിൽ സ്വയം ട്രൊളി വിനയ് ഫോർട്ട്

'ഋതു' എന്ന സിനിമയിലൂടെ അഭിനയ രംഗത്ത് ചുവടുറപ്പിച്ച നടനാണ് വിനയ് ഫോർട്ട്. പിന്നീട് ഒട്ടനവധി സിനിമകളിൽ നായകനായും വില്ലനായും സഹതാരമായും എല്ലാം വിനയ് ബി​ഗ് സ്ക്രീനിൽ നിറഞ്ഞ് നിന്നു. ഇപ്പോഴിതാ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന നിവിൻ പോളി ചിത്രം ‘രാമചന്ദ്രബോസ് കോ’-യിലും വിനയ് ഫോർട്ട് എത്തുന്നുണ്ട്.

എന്നാൽ സോഷ്യൽ മീഡിയ ഇപ്പോൾ ഏറ്റെടുത്തിരിക്കുന്നത് ചിത്രത്തിൻ്റെ പ്രസ്സ് മീറ്റിന് എത്തിയ വിനയ് ഫോർട്ടിൻ്റെ ലുക്കാണ്. ചെറിയ കട്ടിമീശയും കണ്ണടയും വെച്ച് റെഡ് ടീഷർട്ട് ധരിച്ചെത്തിയ താരം ഇപ്പോൾ ട്രോളുകളിലും മീമുകളിലും നിറഞ്ഞ് നിൽക്കുകയാണ്.

പല താരങ്ങളുടെയും ലുക്കുമായി വിനയ് ഫോർട്ടിൻ്റെ ഈ ലുക്കിനെ താരതമ്യം ചെയ്യപ്പെടുന്നുണ്ട്. ചാർളി ചാപ്ലിന് പുറമേ ജഗതിയുടെ ഉമ്മൻ കോശി, വിജയരാഘവൻ്റെ അലാവുദ്ദീൻ റാവുത്തർ, ഈ പറക്കും തളികയിലെ കല്യാണചെക്കൻ അങ്ങനെ ഒരു നിര നീണ്ട നിര തന്നെ ഉണ്ട്.

ദിലീപിൻരെ തിളക്കം സിനിമയിൽ പാന്റിടാതെ വഴിവക്കിൽ നിൽക്കുന്ന ഹരിശ്രീ അശോകന്റെ മുഖത്തിന് പകരം വിനയ് ഫോർട്ടിന്റെ മുഖം ഫിറ്റ് ചെയ്തതാണ് ഒരു ട്രോൾ.

സി.ഐ.ഡി മൂസ സിനിമയിലെ ദിലീപിന് പകരമായും മണിച്ചിത്രത്താഴ് സിനിമയിൽ മാടമ്പള്ളിയിൽ താക്കോലെടുക്കാൻ വന്ന് നാഗവല്ലിയെ കണ്ട് ഭയന്ന് ഓടിരക്ഷപ്പെടുന്ന ഗണേഷിന്റെ മുഖമായും വിനയ് ഫോർട്ടിന്റെ മുഖം ഫിറ്റ് ചെയ്തതാണ് ട്രൊൾ ഇറങ്ങിയിരിക്കുന്നത്.

കല്യാണ രാമനിലെ സലീം കുമാറായും കിരീടത്തിലെ സേതുമാധവനായും ഹരിഹർ നഗറിലെ ജഗദീഷിന്റെ കഥാപാത്രമായ അപ്പുക്കുട്ടനായുമൊക്കെ മീമുകളിലൂടെ വിലസുകയാണ് വിനയ് ഫോർട്ട്.

എന്നാൽ തന്നെ ട്രോളാൻ മറ്റൊരുത്തന്റേയും സഹായം വേണ്ടന്ന തരത്തിൽ വിനയ് ഫോർട്ട് തന്നെ തൻരെ ചിത്രം സമൂഹ മാധ്യമത്തിൽ പങ്കുവച്ചിരിക്കുകയാണ്