എട്ടു വയസുകാരിയെ ബലാത്സംഗം ചെയ്തതിനു ശേഷം കഴുത്തുഞെരിച്ചു കൊലപ്പെടുത്തി

പ്രതാപ് ഗഡ്: എട്ടു വയസുകാരിയെ അജ്ഞാതർ ക്രൂരമായി ബലാത്സംഗം ചെയ്തതിനു ശേഷം കഴുത്തുഞെരിച്ചു കൊന്നു. രാജസ്ഥാനിലെ പ്രതാപ് ഗഡിലാണ് സംഭവം. തിങ്കളാഴ്ച പൊലീസ് അറിയിച്ചതാണ് ഇക്കാര്യം.

പെൺകുട്ടിയെ ബലാത്സംഗം ചെയ്തതിനു ശേഷം കഴുത്തുഞെരിച്ചു കൊലപ്പെടുത്തിയ അജ്ഞാതർ മൃതദേഹം സമീപത്തുണ്ടായിരുന്ന വെള്ളമില്ലാത്ത കിണറ്റിലേക്ക് വലിച്ചെറിയുകയായിരുന്നു.

ശനിയാഴ്ച രാത്രിയാണ് മൃതദേഹം കണ്ടെടുത്തതെന്ന് ചോതി സാദ്രി പൊലീസ് സ്റ്റേഷനിലെ എസ് എച്ച് ഒ രവീന്ദ്ര പ്രതാപ് സിംഗ് വാർത്ത ഏജൻസിയായ പി ടി ഐയോട് പറഞ്ഞു.

വെള്ളിയാഴ്ച രാത്രി അമ്മയ്ക്ക് ഒപ്പം ഉറങ്ങുകയായിരുന്ന പെൺകുട്ടിയെ അജ്ഞാതർ തട്ടിക്കൊണ്ടു പോയി ബലാത്സംഗം ചെയ്യുകയായിരുന്നു. ബലാത്സംഗം ചെയ്തതിനു ശേഷം പെൺകുട്ടിയെ കഴുത്തുഞെരിച്ച് കൊലപ്പെടുത്തുകയായിരുന്നു.

ഈ ക്രൂരകൃത്യങ്ങളെല്ലാം ചെയ്തതിനു ശേഷം പെൺകുട്ടിയെ സമീപമുള്ള വെള്ളമില്ലാത്ത കിണറ്റിലേക്ക് വലിച്ചെറിയുകയായിരുന്നു. പെൺകുട്ടിയുടെ വീട്ടിൽ നിന്ന് ഏകദേശം 300 മീറ്റർ അകലെയാണ് ഈ കിണർ.

ഇക്കാര്യത്തിൽ അന്വേഷണം നടക്കുകയാണെന്നും അര ഡസനോളം പേരെ ഇതുമായി ബന്ധപ്പെട്ട് ചോദ്യം ചെയ്യലിനായി തടഞ്ഞു വച്ചിട്ടുണ്ടെന്നും സിംഗ് പറഞ്ഞു.