WTO തലപ്പത്തെ ആദ്യ വനിത; ആദ്യ ആഫ്രിക്കൻ വംശജ; ആരാണ് എൻഗോസി ഒകോൻജോ-ഇവാല?

ലോക വ്യാപര സംഘടനയുടെ(ഡബ്ല്യുടിഒ) മേധാവിയായി നൈജീരിയൻ സാമ്പത്തിക ശാസ്ത്രജ്ഞ ഡോ. എൻഗോസി ഒകോൻജോ-ഇവാലയെ തിരഞ്ഞെടുത്തു. ഡബ്ല്യുടിഒ തലപ്പത്ത് എത്തുന്ന ആദ്യ വനിതയും ആദ്യ ആഫ്രിക്കൻ വിംശജയുമാണ് എൻഗോസി ഒകോൻജോ. (Image: News18 Creatives)

ഇതാദ്യമായല്ല ഒകോൻജോ ചരിത്രത്തിൽ ഇടം നേടുന്നത്. നൈജീരിയയിൽ ധനമന്ത്രിയായ ആദ്യവനിതയാണ് ഒകോൻജോ. ലോകബാങ്കിൽ വികസന സാമ്പത്തിക ശാസ്ത്രജ്ഞനായി 25 വർഷത്തെ സേവന പാരമ്പര്യവും ഒകോൻജോയ്ക്ക് ഉണ്ട്. 2021 മാർച്ച് 1 മുതലാണ് ലോക വ്യാപാര സംഘടനയിൽ ഒകോൻജോയുടെ കാലാവധി ആരംഭിക്കുന്നത്. (Image: News18 Creatives)

ട്വിറ്റർ, സ്റ്റാൻഡേഡ് ചാർട്ടേഡ് ബാങ്ക്, വാക്സിൻ അലയൻസ് എന്നിവയുടെ ബോർഡ് അംഗം, ലോകാരോഗ്യ സംഘടനയുടെ കോവിഡ് പ്രത്യേക പ്രതിനിധി, ഗ്ലോബൽ കമ്മിഷൻ ഓൺ ദി ഇക്കോണമി ആൻഡ് ക്ലൈമറ്റ് കോ–ചെയർ തുടങ്ങിയ സ്ഥാനങ്ങളും ഒകാൻജോ അലങ്കരിച്ചിട്ടുണ്ട്. (Image: News18 Creatives)

ഫോബ്സ് മാഗസിൻ ആഫ്രിക്കൻ ഓഫ് ദി ഇയർ 2020 ആയി തിരഞ്ഞെടുത്തത് ഒകാൻജോയെ ആയിരുന്നു. ലോകത്തെ സ്വാധീനിച്ച 100 നേതാക്കളായി ടൈംസ് പട്ടികയിലും ഇടംനേടി. ലോകത്തിലെ 100 ശക്തരായ വനിതകളിൽ ഒരാളായും തിരഞ്ഞെടുക്കപ്പെട്ടു. (Image: News18 Creatives)

1954 ജൂൺ 13 ന് ജനിച്ച ഒകാൻജോയുടെ പ്രാഥമിക വിദ്യാഭ്യാസം നൈജീരിയയിൽ ആയിരുന്നു. 1973-ൽ ഹാർവാർഡ് യൂണിവേഴ്സിറ്റി വിദ്യാർത്ഥിനിയായി യുഎസിൽ എത്തി. 1976-ൽ സാമ്പത്തിക ശാസ്ത്രത്തിൽ എബിയിൽ മാഗ്ന കം ലൗഡ് ബിരുദം നേടി. (Image: News18 Creatives)

നൈജീരിയയിൽ ബിയാഫ്ര യുദ്ധം പൊട്ടിപ്പുറപ്പെട്ടതോടെ ഒകാൻജോയുടെ വിദ്യാഭ്യാസം രണ്ട് വർഷം മുടങ്ങിയിരുന്നു. ദാരിദ്ര്യവും പട്ടിണിയും രോഗവും നിറഞ്ഞ കാലത്തെ കുറിച്ച് മുമ്പൊരു അഭിമുഖത്തിൽ ഒകാൻ‌ജോ പറഞ്ഞിരുന്നു. ഏത് സാഹചര്യത്തിലും ജീവിക്കാൻ തന്നെ പ്രാപ്തയാക്കിയത് കുട്ടിക്കാലത്തെ അനുഭവങ്ങളാണെന്ന് ഒകാൻജോ. (Image: News18 Creatives)

നൈജീരിയയിലെ ആദ്യത്തെ തദ്ദേശീയ അഭിപ്രായ-ഗവേഷണ സംഘടനയായ NOI-Polls ന്റെ സ്ഥാപകയാണ് ഒകോൻജോ. ലോകമെമ്പാടുമുള്ള 14 സർവകലാശാലകളിൽ നിന്ന് ഒകോൻജോയ്ക്ക് ഓണററി ബിരുദങ്ങൾ ലഭിച്ചിട്ടുണ്ട്. "(Image: News18 Creatives)