Online fraud | ഓൺലൈൻ ഷോപ്പിംഗ് തട്ടിപ്പിൽ പെട്ടെന്ന് സീരിയൽ നടി; മുന്നറിയിപ്പുമായി താരം

ജനപ്രിയ ടിവി കോമഡി ഷോ ഭാഭിജി ഘർ പേ ഹേ വർഷങ്ങളായി ആരാധകരുടെ മനം കവർന്നതാണ്. പ്രേക്ഷകപ്രിയ കഥാപാത്രമായ അംഗൂരി ഭാഭിയെ അവതരിപ്പിക്കുന്ന ഷോയിലെ പ്രധാന നടി ശുഭാംഗി ആത്രേയ്ക്ക്  (Shubhangi Atre) ഒട്ടേറെ ആരാധകരുണ്ട്. നടി ഒരു ഓൺലൈൻ തട്ടിപ്പിന് ഇരയായിരിക്കുന്നു. ശുഭാംഗി സൈബർ സെല്ലിൽ പരാതി നൽകുകയും. അതേക്കുറിച്ച് സംസാരിക്കുകയും ചെയ്തു

ഇ ടൈംസുമായി അടുത്തിടെ നടത്തിയ സംഭാഷണത്തിൽ താൻ എങ്ങനെ വഞ്ചിക്കപ്പെട്ടുവെന്ന് അവർ വിശദീകരിക്കുകയും അത്തരം ഓൺലൈൻ തട്ടിപ്പുകളെക്കുറിച്ച് ജാഗ്രത പാലിക്കാൻ തന്റെ ആരാധകർക്ക് മുന്നറിയിപ്പ് നൽകുകയും ചെയ്തു. പ്രമുഖ ഫാഷൻ ബ്രാൻഡിന്റെ സൈറ്റിലെ ഇടപാടിന് ശേഷമാണ് തട്ടിപ്പിനിരയായത് എന്ന് അവർ പറഞ്ഞു. വിശദമായി വായിക്കാം (തുടർന്നു വായിക്കുക)

'ഞാൻ സെപ്തംബർ എട്ടിന് ഒരു പ്രശസ്ത ഫാഷൻ വെബ്‌സൈറ്റിൽ നിന്ന് കുറച്ച് ഇനങ്ങൾ ഓർഡർ ചെയ്യുകയായിരുന്നു. ഓർഡർ നൽകിയതും, എനിക്ക് അവരിൽ നിന്ന് ഒരു കോൾ ലഭിച്ചു. എന്റെ വിലാസവും മൂന്ന് വർഷമായി ഞാൻ അവരുടെ ഉപഭോക്താവായിരുന്നു എന്ന വസ്തുതയും പരാമർശിക്കുന്നതിനിടയിൽ എന്റെ ഓർഡറിന്റെ പൂർണ്ണ വിവരങ്ങൾ അവർ എനിക്ക് കൈമാറി...

ആ കച്ചവട സ്ഥാപനത്തിന്റെ പക്കൽ മാത്രം ഉണ്ടാവേണ്ട എന്റെ എല്ലാ വിവരങ്ങളും അവർക്കുണ്ടായിരുന്നതിനാൽ, അത് ഒരു യഥാർത്ഥ കോളായി തോന്നി. തുടർന്ന് ജിഎസ്ടി തുക മാത്രം അടക്കാൻ നിർദേശിച്ചു. GST തുക അടയ്‌ക്കുമ്പോൾ നിരവധി ഇടപാടുകൾ നടന്നു, ഈ പ്രക്രിയയിൽ അവർ എന്റെ അക്കൗണ്ടിൽ നിന്ന് പണം പിൻവലിച്ചു

താൻ കബളിപ്പിക്കപ്പെട്ടുവെന്ന് മനസിലാക്കിയ നടി ഉടൻ തന്നെ തന്റെ കാർഡുകൾ നിർജ്ജീവമാക്കിയതായി പറഞ്ഞു. സംഭവത്തെക്കുറിച്ച് സൈബർ പോലീസിൽ പരാതിപ്പെട്ട അവർ മറ്റുള്ളവരെ കബളിപ്പിക്കുന്നതിന് മുമ്പ് കുറ്റവാളികളെ പിടികൂടാൻ നടപടിയെടുക്കുമെന്ന് പ്രതീക്ഷിക്കുന്നു എന്നും പറഞ്ഞു

തുക എത്രയെന്നു പറയാൻ ആഗ്രഹിക്കാതെ, ഇത് തന്റെ കഷ്ടപ്പെട്ട് സമ്പാദിച്ച പണമാണെന്നും മറ്റാരെയുടെയും പണം നഷ്ടപ്പെടരുതെന്നും അവർ പറഞ്ഞു

കഴിഞ്ഞ മാസം അന്തരിച്ച സഹനടൻ ദീപേഷ് ഭാന് വേണ്ടിയുള്ള ധനസമാഹരണത്തിന്റെ പേരിൽ ഓൺലൈൻ തട്ടിപ്പ് നടക്കുന്നുണ്ടെന്ന് വാർത്ത വന്ന് ഒരു മാസത്തിന് ശേഷമാണ് നടി തട്ടിപ്പിന് ഇരയായത്. അന്തരിച്ച നടന്റെ കുടുംബത്തിന് 50 ലക്ഷം രൂപ ഭവനവായ്പ ഉള്ളതിനാൽ ചിലർ ധനസമാഹരണം മുതലെടുത്തതായി അവർ പറയുന്നു