ഇത് 'ഭാവന'യല്ല.. രാജകുമാരിയായി പ്രിയ താരം

നടി ഭാവന ഇൻസ്റ്റാഗ്രാമിൽ പങ്കുവെച്ച പുതിയ ചിത്രങ്ങൾ കണ്ട് അമ്പരന്നിരിക്കുകയാണ് ആരാധകര്‍.

രാജകുമാരിയുടെ വേഷപ്പകര്‍ച്ചയിലാണ് നടി ഇത്തവണ ആരാധകര്‍ക്ക് മുന്നിൽ പ്രത്യക്ഷപ്പെട്ടിരിക്കുന്നത്.

എല്ലാവരുടെയും ഉള്ളിൽ ഒരു രാജകുമാരിയുണ്ടെന്ന തലക്കെട്ടോടെയാണ് ഭാവന ചിത്രങ്ങൾ പങ്കുവെച്ചിരിക്കുന്നത്.

ഇൻസ്റ്റാഗ്രാമിൽ പങ്കുവെച്ച ഭാവനയുടെ രാജകീയ ചിത്രങ്ങൾക്ക് ആരാധകര്‍ ലൈക്കും കമന്റും വാരിക്കോരി നൽകുകയാണ്.

രാജകീയ പട്ടും പരമ്പരാഗത ആഭരണങ്ങളും അണിഞ്ഞെത്തിയ ഭാവന പുതിയ പരസ്യചിത്രത്തിനായി നടത്തിയ ഫോട്ടോഷൂട്ടാണോ ഇതെന്നും ആരാധകര്‍ സംശയമുന്നയിച്ചിട്ടുണ്ട്.

സംഗതി എന്തായാലും ഭാവന അതിസുന്ദരിയായിട്ടുള്ള ചിത്രങ്ങൾ സോഷ്യൽ മീഡിയയിൽ വൈറലായി മാറിയിരിക്കുകയാണ് ഇപ്പോൾ.

വിവാഹ ശേഷം നടി നായികയായി വന്ന കന്നഡ ചിത്രം 99 സൂപ്പര്‍ഹിറ്റായിരുന്നു.

തമിഴിലെ സൂപ്പര്‍ഹിറ്റ് ചിത്രം 96ന്റെ കന്നഡ റീമേക്കായിരുന്നു ഈ ചിത്രം.

തെലുങ്കിലും 96ന് റീമേക്ക് ഒരുങ്ങുന്നുമുണ്ട്. ഷര്‍വാനന്ദും സാമന്ത അക്കിനേനിയും ചിത്രത്തില്‍ മുഖ്യ വേഷങ്ങളില്‍ എത്തും.

സി പ്രേംകുമാര്‍ തന്നെയാണ് ചിത്രം തെലുങ്കില്‍ സംവിധാനം ചെയ്യുന്നത്.