Happy Birthday Divya Prabha | ഒന്നിച്ചുള്ള സെൽഫിയിൽ പിൽക്കാലത്ത് ഒന്നിച്ചിറങ്ങിയ സിനിമകളിലെ അഭിനേത്രികൾ; ദിവ്യ പ്രഭയുടെ ത്രോബാക്ക് പോസ്റ്റ്

'നിഴൽ' സിനിമയിലെ സൈക്കോളജിസ്റ്റ് ഡോ: ശാലിനിയുടെ വേഷം ചെയ്ത് ശ്രദ്ധ നേടിയിരിക്കുകയാണ് നടി ദിവ്യപ്രഭ. ഇന്ന് ദിവ്യയുടെ ജന്മദിനമാണ്. സീരിയൽ രംഗത്ത് നിന്നും സിനിമയിലെത്തി ചുരുക്കം ചില വേഷങ്ങൾ കൊണ്ടുതന്നെ ദിവ്യപ്രഭ ശ്രദ്ധ നേടിക്കഴിഞ്ഞു. ഏതാനും ദിവസങ്ങൾ മുൻപ് ദിവ്യ പോസ്റ്റ് ചെയ്ത ഒരു ചിത്രമാണ്. ഈ സെൽഫിയിൽ കാണുന്നവർ തമ്മിൽ സുഹൃദ് ബന്ധം മാത്രമല്ല, സിനിമയിലുമൊരു ബന്ധമുണ്ട്

അടുത്തിടെ പുറത്തിറങ്ങിയ മൂന്ന് സിനിമകളിൽ ശ്രദ്ധേയവേഷം ചെയ്തവരാണ് ഈ മൂവർ സംഘം. നിഴൽ, നായാട്ട്, ബിരിയാണി സിനിമകളിൽ ഈ കൂട്ടുകാരികൾ നിറഞ്ഞ് നിന്നു. ഒരാൾ നായികാവേഷം ചെയ്തപ്പോൾ, മറ്റുരണ്ടുപേരും സ്ക്രീൻ പ്രെസൻസ് കൊണ്ട് കയ്യടിനേടിയവരാണ് (തുടർന്ന് വായിക്കുക)

'നായാട്ട്' സിനിമയിലെ ഉന്നതപൊലീസ് ഉദ്യോഗസ്ഥ അരുന്ധതിയായി വേഷമിട്ടത് നാടകമേഖലയിൽ നിന്നും സിനിമയിലെത്തിയ യമ ഗിൽഗമെഷ് ആണ്. മലയാള സിനിമയിൽ ഇതുവരെ കാണാത്ത തരം വനിതാ പോലീസുകാരിയെ അവതരിപ്പിച്ചാണ് യമ ഈ സിനിമയിൽ പ്രേക്ഷക പ്രശംസ നേടിയത്. നായാട്ടും നിഴലും അടുത്തടുത്താണ് തിയേറ്ററിലും ഡിജിറ്റൽ പ്ലാറ്റുഫോമിലും റിലീസ് ചെയ്തത്

ബിരിയാണി സിനിമയിലെ ഖദീജയായ കനി കുസൃതിയാണ് ചിത്രത്തിലെ മറ്റൊരാൾ. മികച്ച നടിക്കുള്ള സംസ്ഥാന പുരസ്‌കാരം കനിക്ക് നേടിക്കൊടുത്ത സിനിമയാണിത്. ഈ സിനിമ മറ്റു രണ്ടുപേരുടെയും സിനിമകൾക്ക് മുന്നേ ഇറങ്ങിയതാണ്. 2018ൽ പകർത്തിയ സെൽഫിയാണ് ദിവ്യപ്രഭ പോസ്റ്റ് ചെയ്തത്