രണ്ട്‌ കാലഘട്ടങ്ങളിലെ നായികമാർക്കൊപ്പം മോഹൻലാൽ; ഒപ്പം സിനിമാ സുഹൃത്തുക്കളും

തന്റെ രണ്ട്‌ കാലഘട്ടങ്ങളിലെ നായികമാർക്കൊപ്പം ഉള്ള മോഹൻലാലിന്റെ അപൂർവ ചിത്രമാണിത്. സംവിധായകൻ ആലപ്പി അഷറഫിന്റെ ഫേസ്ബുക് താളുകളിലാണ് ഈ ചിത്രം പ്രത്യക്ഷപ്പെട്ടത്

മോഹന്ലാലിനൊപ്പമുള്ളത് മേനകയും മേനകയുടെ കയ്യിൽ ഇളയ മകൾ കീർത്തി സുരേഷുമാണ്. ആലപ്പി അഷറഫ്, പ്രിയദർശൻ, പാണ്ട്യരാജൻ ഫാസിൽ എന്നിവരാണ് മറ്റുള്ളവർ. അപ്പുണ്ണി എന്ന സിനിമയിലെ മോഹൻലാലും മേനകയുമാണിത്

ഒട്ടേറെ സിനിമകളിൽ നായികാ നായകന്മാരായി മോഹൻലാലും മേനകയും വേഷമിട്ടിട്ടുണ്ട്. യുവജനോത്സവമെന്ന സിനിമയിൽ ഇരുവരും ഒന്നിച്ച് പ്രത്യക്ഷപ്പെട്ട പോസ്റ്ററാണിത്

എന്നാൽ മകൾ കീർത്തി സുരേഷ് മലയാള സിനിമയിൽ അരങ്ങേറ്റം കുറിച്ചത് മോഹൻലാൽ ചിത്രത്തിലൂടെയെന്നത് യാദൃശ്ചികം. പ്രിയദർശനാണ് സിനിമയുടെ സംവിധായകൻ. ഗീതാഞ്ജലിയിൽ ഗീത, അഞ്ജലി എന്ന ഇരട്ടവേഷം ചെയ്താണ് കീർത്തി വെള്ളിത്തിരയിലെത്തിയത്

അടുത്തിടെ മേനകയും മോഹൻലാലും ചേർന്ന് ചന്ദ്രികയിലലിയുന്നു ചന്ദ്രകാന്തം എന്ന ഗാനത്തിന് ചുവടുവച്ചപ്പോൾ

അടുത്തതായി കീർത്തി എത്തുന്നത് മോഹൻലാലും പ്രണവ് മോഹൻലാലും നായകന്മാരായ പ്രിയദർശൻ ചിത്രം മരയ്ക്കാർ അറബിക്കടലിന്റെ സിംഹത്തിലാണ്. ഇതിൽ പ്രിയദർശന്റെ മകൾ കല്യാണി പ്രിയദർശനും മറ്റൊരു നായികയെന്ന പ്രത്യേകതയുമുണ്ട്