ഇതാണ് ഫിറ്റ്നസ്; ജിമ്മിൽ വിയർപ്പൊഴുക്കിയ ശേഷം ദുൽഖറിനെ വെല്ലുവിളിച്ച് പൃഥ്വിരാജ്

ആത്മസമർപ്പണത്തിന്റെ പര്യായമായി പൃഥ്വിരാജ് സുകുമാരൻ മാറിയിട്ട് കുറച്ചായി. ആടുജീവിതം സിനിമക്കായി മെലിഞ്ഞുണങ്ങാൻ വേണ്ടി പൃഥ്വി നേരിട്ട പെടാപ്പാട് ചെറുതല്ല. കുറച്ചു ദിവസങ്ങൾക്കു മുൻപ് ഷൂട്ടിംഗ് അവസാനിച്ച് മടങ്ങിയെത്തിയ പൃഥ്വി ഈ പുതിയ ചിത്രവുമായി സോഷ്യൽ മീഡിയയിലെത്തിയിരിക്കുകയാണ്. ഷൂട്ടിങ്ങിനു ശേഷമുള്ള എല്ലുംതോലുമായ രൂപം പ്രതീക്ഷിച്ചവരെ ഞെട്ടിച്ചു കൊണ്ട് തന്റെ ജിം ബോഡിയുമായാണ് പൃഥ്വിയുടെ വരവ്

ആടുജീവിതത്തിനായി ശരീരം കാണിച്ചുള്ള ഷൂട്ടിംഗ് കഴിഞ്ഞു ഒരു മാസമായി എന്ന് പൃഥ്വി ഈ ഫോട്ടോക്കൊപ്പം കുറിക്കുന്നു. ആ ചിത്രീകരണ ഷെഡ്യൂളിന്റെ അവസാന ദിവസം വളരെ കുറച്ചു മാത്രമേ കൊഴുപ്പു തന്റെ ശരീരത്തിൽ ബാക്കിയുണ്ടായിരുന്നുള്ളൂ. പിന്നീടുള്ള ഒരു മാസത്തെ വിശ്രമവും പരിശ്രമവുമാണ് ഈ കാണുന്നത്

ശരീരഭാരം തീരെക്കുറഞ്ഞ് വളരെ ശോഷിച്ച അവസ്ഥയിൽ നിന്നും ട്രെയ്നറും ന്യൂട്രീഷനിസ്റ്റുമായ അജിത് ബാബുവാണ് ഈ അവസ്ഥയിലേക്ക് തന്നെ മാറ്റിയെടുത്തതെന്ന് പൃഥ്വി. ഒപ്പം തനിക്ക് ആരോഗ്യം വീണ്ടെടുത്ത് പൂർവ സ്ഥിതിയിലാവാൻ സംവിധായകൻ ബ്ലെസ്സിയും സംഘവും സമയം അനുവദിച്ചതിലും പൃഥ്വി കൃതാർത്ഥനാണ്

ശേഷം ദുൽഖർ സൽമാനുള്ള വെല്ലുവിളി കൂടിയുണ്ട്. ലോക്ക്ഡൗൺ തുടങ്ങിയത് മുതൽ ദുൽഖർ തന്റെ സുഹൃത്തുക്കൾക്കായി ഫിറ്റ്നസ് ചലഞ്ചു നടത്തിപ്പോരുകയാണ്. സിനിമക്കായി തയാറെടുത്ത പൃഥ്വിരാജിന്റെ വിവിധ ലുക്കുകൾ ഇവിടെ കാണാം

പൃഥ്വിരാജ്

പൃഥ്വിരാജ്