2018 success celebration | ടൊവിനോ തോമസിന്റെ 'അന്വേഷിപ്പിൻ കണ്ടെത്തും' സിനിമയുടെ സെറ്റിൽ 2018 വിജയാഘോഷം

ഡാർവിൻ കുര്യാക്കോസ് സംവിധാനം ചെയ്ത് ടൊവിനോ തോമസ് (Tovino Thomas) നായകനായി അഭിനയിക്കുന്ന 'അന്വേഷിപ്പിൻ കണ്ടെത്തും' (Anweshippin Kandethum) എന്ന ചിത്രത്തിന്റെ ആദ്യ ഘട്ട ചിത്രീകരണം പൂർത്തിയാക്കി, മെയ് പത്തിന് രണ്ടാം ഷെഡ്യൂൾ കോട്ടയത്ത് ആരംഭിച്ചു. ചിത്രീകരണത്തിനിടയിൽ, ഒരു വിജയാഘോഷത്തിനും ഈ ലൊക്കേഷൻ വേദിയായി മാറി

മഹാ വിജയത്തിലേക്കു കുതിക്കുന്ന 2018 എന്ന ചിത്രത്തിലെ പ്രധാന കഥാപാത്രത്തെ അവതരിപ്പിച്ച ടൊവിനോ തോമസ്സിന് യൂണിറ്റ് സ്റ്റേഹാദരം നൽകി ഈ വിജയത്തിൽ പങ്കു ചേർന്നു. കേക്ക് മുറിച്ചുകൊണ്ട് യൂണിറ്റ് ഒന്നടങ്കം സന്തോഷം പങ്കിട്ടു. 2018ലെ മറ്റൊരഭിനേതാവായ സിദ്ദിഖും ഈ സെറ്റിലുണ്ടായിരുന്നു. ടൊവിനോക്കൊപ്പം പിതാവിനും ഈ ധന്യമുഹൂർത്തത്തിൽ പങ്കുചേരാൻ അവസരമുണ്ടായി (തുടർന്ന് വായിക്കുക)

അയ്മനത്തായിരുന്നു ചിത്രീകരണം. ടൊവിനോയും സിദ്ദിഖും പങ്കെടുക്കുന്ന ഒരു രംഗമാണ് ഇവിടെ ചിത്രീകരിച്ചത്. തിയേറ്റർ ഓഫ് ഡ്രീംസിന്റെ ബാനറിൽ ജിനു വി. എബ്രഹാം, ഡോൾവിൻ കുര്യാക്കോസ് എന്നിവരാണ് നിർമ്മാണം. അമ്പതു ദിവസത്തോളം നീണ്ടു നിൽക്കുന്ന ഷെഡ്യൂളാണ് ഈ ചിത്രത്തിനു വേണ്ടി പ്ലാൻ ചെയ്തിരിക്കുന്നത്

കോട്ടയം, കട്ടപ്പന, തൊടുപുഴ ഭാഗങ്ങളിലായാണ് ഈ ചിത്രത്തിന്റെ ഒന്നാംഘട്ട ചിത്രീകരണം പൂർത്തിയാക്കിയത്. പി.ആർ.ഒ.- വാഴൂർ ജോസ്