ഇന്ത്യയിലെ ഏറ്റവും ജനപ്രിയ നായികമാരിൽ ഒന്നാമത് ആലിയ; ആദ്യ പത്തിൽ തെന്നിന്ത്യയിൽ നിന്ന് ആരൊക്കെ?

രാജ്യത്തെ ഏറ്റവും ജനപ്രിയ താരങ്ങൾ ആരെല്ലാം. Ormax Mediaആണ് പട്ടിക പുറത്തുവിട്ടത്. ബോളിവുഡ് താരം ആലിയ ഭട്ടാണ് ഒന്നാം സ്ഥാനത്ത്.

സമാന്ത റൂത്ത് പ്രഭുവാണ് രണ്ടാം സ്ഥാനത്ത്. നയൻ താരയെയും രശ്മിക മന്ദാനയെയും പിന്തള്ളിയാണ് സമാന്ത രണ്ടാം സ്ഥാനത്തെത്തിയത്.

ബോളിവുഡിലെ ദീപിക പദുകോൺ മൂന്നാം സ്ഥാനത്താണ്. കഴിഞ്ഞ പത്തുവർഷത്തിനിടെ പ്രേക്ഷകർ ഇന്റർനെറ്റിൽ ഏറ്റവും കൂടുതൽ തിരഞ്ഞ പേരുകളിൽ ആദ്യ സ്ഥാനം ദിപീകയാണെന്ന് നേരത്തെ ഐഎംഡിബി റിപ്പോർട്ട് വന്നിരുന്നു.

ലേഡി സൂപ്പര്‍ സ്റ്റാർ നയൻതാരയെയും നാഷണൽ ക്രഷായി വളർന്ന രശ്മിക മന്ദാനയെയും പിന്നിലാക്കി കാജൽ അഗർവാളാണ് നാലാം സ്ഥാനത്തെത്തിയത്.

ബോളിവുഡ് താരം കത്രീന കൈഫ അഞ്ചാം സ്ഥാനത്തെത്തി. താരറാണിമാര്‍ അടക്കി വാഴുന്ന ബോളിവുഡില്‍ വളരെ പെട്ടെന്ന് തന്നെ തന്റേതായ സ്ഥാനം കണ്ടെത്തിയ താരം.

തെന്നിന്ത്യൻ താരം നയൻതാര ആറാം സ്ഥാനത്താണ്. സമാന്തക്കും കാജല്‍ അഗർവാളിനും പിന്നാലെയാണ് നയൻതാരയും പട്ടികയിൽ ഇടംനേടിയത്.

തെന്നിന്ത്യയിൽ നിന്ന് മുന്നിലെത്തുമെന്ന് കരുതിയ ദേശീയ ക്രഷ് രശ്മിക മന്ദാന ഏഴാം സ്ഥാനത്താണ്. സോഷ്യൽ മീഡിയയിലും ഒട്ടേറെ ആരാധകരുള്ള താരത്തിന്റേതായി പുഷ്പ 2വാണ് ഇനി പുറത്തിറങ്ങാനുള്ളത്.

ബോളിവുഡ് സെൻസേഷൻ താരം കിയാര അദ്വാനി എട്ടാം സ്ഥാനത്താണ്. ഷങ്കർ സംവിധാനം ചെയ്യുന്ന ഗെയിം ചേഞ്ചറാണ് താരത്തിന്റേതായി ഇനി റിലീസ് ചെയ്യാനുള്ളത്.

ജനപ്രിയ നായികമാരിൽ ബോളിവുഡ് താരം കൃതി സനോൺ ഒൻപതാം സ്ഥാനത്താണ്.

തെന്നിന്ത്യൻ താരം തൃഷയാണ് പത്താമതെത്തിയത്. വിജയ്ക്കൊപ്പം ലിയോയിൽ പ്രത്യക്ഷപ്പെട്ട താരത്തിന്റെ അടുത്ത ചിത്രം അജിത്തിനൊപ്പമാണ്.  മഗിഴ് തിരുമേനി സംവിധാനം ചെയ്യുന്ന വിടാമുയർച്ചിയിലാണ് തൃഷയെ കാണാനാവുക.