പഴയ നായകനെ കാണാൻ കുടുംബസമേതം; വിജയ് യെ കണ്ട രംഭ കുറിച്ചത് ഇങ്ങനെ

വർഷങ്ങൾക്ക് ശേഷമുള്ള ഈ കൂടിക്കാഴ്ച്ച വളരെ മനോ​ഹരമായിരുന്നുവെന്നാണ് വിജയിക്കൊപ്പമുള്ള ചിത്രങ്ങൾ പങ്കുവെച്ചുകൊണ്ട് രംഭ ഇൻസ്റ്റ​ഗ്രാമിൽ കുറിച്ചത്.

ഭർത്താവ് ഇന്ദ്രകുമാർ പത്മനാഥൻ, മക്കളായ സാഷ, ലാവണ്യ, ഷിവിൻ എന്നിവർക്കൊപ്പമാണ് രംഭ വിജയിയുടെ വീട്ടിലെത്തിയത്. പഴയകാല സൂപ്പർഹിറ്റ് ജോഡികളെ വീണ്ടും ഒന്നിച്ച് കണ്ടതിന്റെ ആവേശത്തിലാണ് ആരാധകരും.

വിജയിയേയും രംഭയേയും ഇങ്ങനെ ഒന്നിച്ച് കാണുമ്പോൾ തങ്ങളും തൊണ്ണൂറുകളിലേക്ക് മടങ്ങി പോകുന്നത് പോലെ തോനുന്നുവെന്നാണ് ആരാധകരുടെ പ്രതികരണം.

ആന്ധ്രപ്രദേശുകാരിയായ രംഭ തന്റെ പതിനഞ്ചാം വയസ്സിൽ ഹരിഹരൻ സംവിധാനം ചെയ്ത സർ​ഗം എന്ന മലയാള സിനിമയിലൂടെയാണ് വെള്ളിത്തിരയിൽ എത്തുന്നത്.

പിന്നീട് തമിഴിലും തെലുങ്കിലും സജീവമായ താരം 90കളുടെ അവസാനത്തിലും 2000ന്റെ തുടക്കത്തിലും നിരവധി വിജയ് ചിത്രങ്ങളിൽ നായികയായി. ആരാധകർക്ക് ഏറെ പ്രിയപ്പെട്ട താരജോഡികളായിരുന്നു രംഭയും വിജയിയും. മിൻസാര കണ്ണ', 'നിനൈതെൻ വന്തൈ', 'എൻടെൻട്രും കാതൽ' തുടങ്ങിയ നിരവധി എവർ​ഗ്രീൻ ഹിറ്റ് ചിത്രങ്ങളിലെ ജോഡികളായിരുന്നു ഇരുവരും.