Viral Photo| ചുവപ്പ് സാരിയും പരമ്പരാഗത ആഭരണങ്ങളും ; സുന്ദരിയായി നടി മലൈക അറോറ

ദിൽസെ എന്ന ചിത്രത്തിലെ ഛയ്യ ഛയ്യ ഛയ്യ എന്ന ഒറ്റ ഗാനം മതി ആരാധകർക്ക് മലൈക അറോറ ഖാൻ എന്ന നടിയെ ഓർക്കാൻ.

ഈ കോവിഡ് കാലത്ത് ഫിറ്റ്നെസ് രഹസ്യങ്ങളും സൗന്ദര്യ രഹസ്യങ്ങളും പങ്കിട്ട് ആരാധകരുമായി സംവദിച്ചു മലൈക.

ഇപ്പോഴിതാ ചുവപ്പ് സാരിയും പരമ്പരാഗത ആഭരണങ്ങളും ധരിച്ച മലൈകയുടെ ചിത്രങ്ങൾ വൈറലാകുന്നു.

കോവിഡിനെ തുടർന്ന് ഫാഷൻ ലോകത്തിന് വീണ ഇടവേളകൾക്ക് വിരാമമിട്ടിരിക്കുകയാണ് മലൈക. റീഗൽ റെഡ് നിറത്തിലുള്ള പട്ടുസാരിയാണ് മലൈക ധരിച്ചിരിക്കുന്നത്.

ധാരാളം ഗോൾഡൻ വർക്കുകളും ഇതിന്റെ മാറ്റ് കൂട്ടുന്നുണ്ട്. ഇതുവരെ കണ്ട മലൈകയിൽ നിന്ന് വ്യത്യസ്തമായി ശരിക്കുമൊരു നാടൻ പെൺകുട്ടിയായിരിക്കുകയാണ് മലൈക.

പരമ്പരാഗതമായ ആഭരണങ്ങളാണെങ്കിലും അവയ്ക്ക് ആർഭാടം ഒട്ടും കുറവില്ല.

ചുവപ്പു നിറത്തിലുള്ള ചോക്കറിനൊപ്പം കഴുത്തു നിറഞ്ഞു കിടക്കുന്ന ഇഴകളായുള്ള നെക്ലസും പരമ്പരാ​ഗത ശൈലിയിലുള്ള വളകളും കമ്മലുമാണ് മലൈക അണിഞ്ഞിരിക്കുന്നത്.

അർധചന്ദ്രാകൃതിയിലുള്ള ചുവന്ന പൊട്ട് മലൈകയുടെ ലുക്ക് വ്യത്യസ്തമാക്കുന്നു.

ലളിതമായ മേക്കപ്പ് ആണ്. മുടി ഒതുക്കി പുറകിലേക്കു കെട്ടിവെച്ചിരിക്കുകയാണ് ചെയ്തിരിക്കുന്നത്.

അടുത്തിടെ മനീഷ് മൽഹോത്ര ഡിസൈൻ ചെയ്ത ലെഹം​ഗ ധരിച്ചു നിൽക്കുന്ന മലൈകയുടെ ചിത്രവും വൈറലായിരുന്നു

ഡിസൈനർ മനീഷ് മൽഹോത്രയുടെ കലക‌്ഷനിലുള്ള ഐവറി ലെഹങ്കയിലാണ് മലൈക തിളങ്ങിയത്

കൊറോണക്കാലത്തെ നിയന്ത്രണങ്ങൾക്ക് ഇളവു ലഭിച്ചതോടെ ഡാൻസ് റിയാലിറ്റി ഷോയിൽ അതിഥിയായി പങ്കെടുക്കുകയാണ് മലൈക ഇപ്പോൾ.