ലോക്ക്ഡൗൺ; ഒറ്റയടിക്ക് മാറ്റില്ല; ഘട്ടം ഘട്ടമായി സാധാരണ നിലയിലേക്ക് ഇങ്ങിനെയാവും

കോവിഡ് 19 വ്യാപനത്തിന്റെ പശ്ചാത്തലത്തിൽ പ്രഖ്യാപിച്ച 21 ദിവസത്തെ ലോക്ക് ഡൗൺ കൂടുതൽ ദിവസങ്ങൾ നീട്ടിയേക്കില്ലെന്നാണ് ഇതുവരെയുള്ള സൂചനകള്‍. എന്നാൽ ലോക്ക് ഡൗൺ മാറ്റിയാലും നിയന്ത്രണങ്ങള്‍ തുടരും. ഘട്ടം ഘട്ടമായി മാത്രമെ സാധാരണ നിലയിലേക്ക് എത്തുകയുള്ളുവെന്നാണ് വിലയിരുത്തൽ.

വിവിധ മേഖലകളിലെ ആളുകളുമായി ചർച്ചകള്‍ക്ക് ശേഷം ലോക്ക് ഡൗൺ എങ്ങനെ മാറ്റിക്കൊണ്ടു വരുമെന്നത് സംബന്ധിച്ച് ഘട്ടം ഘട്ടമായുള്ള നിർദേശങ്ങൾ പങ്കുവയ്ക്കുകയാണ് ബിജെപി നേതാവായ ആര്‍.കെ.മിശ്ര.

IT, ഫിനാന്‍ഷ്യൽ, BPO കമ്പനികൾ: ആദ്യ ആഴ്ച 25% ആളുകൾ. പിന്നീട് 50 നാലാഴ്ചയെടുത്ത് മുഴുവൻ ആളുകളെയും തിരികെ ജോലിയിലേക്ക്. അതും സാമൂഹിക അകലം ഉറപ്പാക്കിക്കൊണ്ടുള്ള സിറ്റിംഗ് ക്രമീകരണങ്ങൾക്ക് ശേഷം.

വ്യവസായ മേഖല, ഫാക്ടറികൾ: ഭക്ഷ്യവസ്തുക്കള്‍ ഉള്‍പ്പെടെയുള്ള അത്യാവശ്യ നിർമ്മാണ കമ്പനികൾ ആദ്യ ആഴ്ച തന്നെ പ്രവർത്തനം പൂർണ്ണമായും പുനരാരംഭിക്കണം

അത്യാവശ്യമല്ലാത്ത ചരക്കു നിർമ്മാണം: നാല് ആഴ്ചയെടുത്ത് പൂര്‍വസ്ഥതിയിലേക്ക് വരണം.

പൊതു ഗതാഗതം: സാമൂഹിക അകലം പാലിക്കുക എന്നത് ബുദ്ധിമുട്ടായതിനാൽ നാല് ആഴ്ച വിലക്ക് തുടരണം. സ്വകാര്യ വാഹനങ്ങൾക്ക് അനുമതി നൽകാം

സാമൂഹിക അകലവുമായി ബന്ധപ്പെട്ട നിർദേശങ്ങളും ശുചിത്വവും പിന്തുടരുന്ന ട്രക്കുകൾക്കും ഡെലിവറി വാഹനങ്ങള്‍ക്കും അനുമതി നൽകാം. സാമ്പത്തിക മേഖലയ്ക്ക് ഉണർവേകാൻ ആദ്യ ആഴ്ചകൾ മുതൽ തന്നെ ഇ-കൊമോഴ്സ് സേവനങ്ങള്‍ പുനരാരംഭിക്കാൻ അനുവദിക്കണം

സ്കൂള്‍, സിനിമാ ഹാൾ, മാളുകള്‍; വൈറസ് വ്യാപനത്തിന് ഏറ്റവും സാധ്യത കൂടിയ ഇടങ്ങൾ. നാല് ആഴ്ച കൂടി ലോക്ക്ഡൗൺ തുടരണം. ഇതിനു ശേഷം സാഹചര്യം വിലയിരുത്തി മാറ്റാം

സാമൂഹിക അകലം പാലിക്കുന്ന സുരക്ഷിതമായ ഇടമാണ് സ്വകാര്യ വാഹനങ്ങൾ. പക്ഷെ കമ്പനികള്‍ ജോലി സമയം രാവിലെ 7-10 നും ഇടയ്ക്ക് തുടങ്ങി 4-7 ന് ഇടയ്ക്ക് പൂർത്തിയാക്കുന്ന തരത്തിൽ ക്രമീകരിക്കണം

കൊറോണ വ്യാപനത്തിന്റെ ഹോട്ട് സ്പോട്ടുകളായി 20ലധികം സ്ഥലങ്ങളുണ്ട്. ഇവിടെ നാലാഴ്ച കൂടി വിലക്ക് തുടരണം. വൈറസ് ഇവിടെ നിന്നും വീണ്ടും വ്യാപിക്കാൻ ഇടയില്ലെന്ന് ഉറപ്പു വരുത്തണം

ലോക്ക് ഡൗൺ നീക്കുന്നതുമായി ബന്ധപ്പെട്ട് ഇത്തരത്തിൽ പല നിർദേശങ്ങളും ഉയർന്നു വരുന്നുണ്ടെങ്കിലും അന്തിമ തീരുമാനം കൈക്കൊള്ളേണ്ടത് കേന്ദ്ര സർക്കാർ തന്നെയാണ്