Sushant Singh Rajput| സുശാന്തിന് നീതി ഉറപ്പാക്കും; താരത്തിന്‍റെ കുടുംബത്തെ സന്ദർശിച്ച് കേന്ദ്രമന്ത്രി രാംദാസ് അത്താവലെ
ഇക്കഴിഞ്ഞ ജൂൺ പതിനാലിനാണ് സ‌ുശാന്തിനെ മുംബൈയിലെ വസതിയിൽ തൂങ്ങിമരിച്ച നിലയിൽ കണ്ടെത്തുന്നത്. സംഭവത്തിൽ ദുരൂഹത ആരോപിച്ച് കുടുംബവും ആരാധകരും അടക്കം രംഗത്തെത്തിയതോടെ വിവാദങ്ങൾ ഉയർന്നു.
ബോളിവുഡ് താരം സുശാന്ത് സിംഗ് രാജ്പുതിന്‍റെ മരണവുമായി ബന്ധപ്പെട്ട് നടക്കുന്ന അന്വേഷണങ്ങൾക്ക് എല്ലാവിധ പിന്തുണയും വാഗ്ധാനം ചെയ്ത് കേന്ദ്രമന്ത്രി രാംദാസ് അത്താവലെ.
2/ 8
സാമൂഹിക നീതി വകുപ്പ് സഹമന്ത്രിയായ അത്താവലെ കഴിഞ്ഞ ദിവസം സുശാന്തിന്‍റെ വീട്ടിലെത്തി കു‌ടുംബാംഗങ്ങളുമായി നേരില്‍ സംസാരിച്ചിരുന്നു. ( ചിത്രം-ട്വിറ്റർ)
3/ 8
അന്വേഷണത്തിന് എല്ലാവിധ സഹകരണങ്ങളും വാഗ്ദാനം ചെയ്ത അദ്ദേഹം ബോളിവുഡിലെ മാഫിയകൾ എല്ലാം വൈകാതെ തന്നെ തുറന്നു കാട്ടപ്പെടുമെന്നും സുശാന്തിന് നീതി ഉറപ്പാക്കുമെന്നുമാണ് അറിയിച്ചത്. (ചിത്രം-ട്വിറ്റർ)
4/ 8
നേരത്തെ ഹരിയാന മുഖ്യമന്ത്രി മനോഹർലാൽ ഖട്ടറും സുശാന്തിന്‍റെ കുടുംബത്തെ സന്ദർശിക്കാനെത്തിയിരുന്നു
5/ 8
ഇക്കഴിഞ്ഞ ജൂൺ പതിനാലിനാണ് സ‌ുശാന്തിനെ മുംബൈയിലെ വസതിയിൽ തൂങ്ങിമരിച്ച നിലയിൽ കണ്ടെത്തുന്നത്. സംഭവത്തിൽ ദുരൂഹത ആരോപിച്ച് കുടുംബവും ആരാധകരും അടക്കം രംഗത്തെത്തിയതോടെ വിവാദങ്ങൾ ഉയർന്നു.
6/ 8
ബോളിവുഡ് മാഫിയ, തൊഴിൽ വൈരാഗ്യം, തുടങ്ങി പല കാരണങ്ങളും മരണവുമായി ബന്ധപ്പെട്ടുയർന്നു. നിലവിൽ കേസ് സിബിഐ അന്വേഷിച്ച് വരികയാണ്.
7/ 8
സുശാന്തിന്‍റെ മരണത്തിൽ ആരാധകരും താരത്തിന്‍റെ കുടുംബവും ആരോപണ മുനയിൽ നിർത്തിയിരിക്കുന്നത് കാമുകിയായ റിയാ ചക്രബർത്തിയെയാണ്. വഞ്ചന, പണം തട്ടിപ്പ് തുടങ്ങി വിവിധ ആരോപണങ്ങളാണ് റിയക്കെതിരെ.
8/ 8
ഇതിനിടെ കള്ളപ്പണം വെളുപ്പിക്കൽ. ലഹരി ഉപയോഗം തുടങ്ങിയ ആരോപണങ്ങൾ കൂടി ഉയർന്നതോടെ എൻഫോഴ്സ്മെന്‍റ് ഡയറക്ട്രേറ്റ്, നാർക്കോട്ടിക്സ് ബ്യൂറോ എന്നിവരും കേസ് അന്വേഷണത്തിൽ പങ്കാളികളായിട്ടുണ്ട്.
