കാറില്‍ ചാണകം പൂശിയ യുവാവിന് വാഹന റാലിയില്‍ ഒന്നാം സമ്മാനം

സ്വന്തം കാറിൽ ചാണകം പൂശി സമ്മാനം നേടി യുവാവ്. ഛത്തീസ്ഗഢിലെ റായ്പൂരിലെ ഒരു വാഹന റാലിയിൽ കാറിൽ വ്യത്യസ്തമായ കാര്യം ചെയ്തതിനാണ് രാജേഷ് എന്ന യുവാവിന് സമ്മാനം ലഭിച്ചത്.

ഫെബ്രുവരി ആദ്യവാരത്തില്‍ സംഘടിപ്പിച്ച റാലിയുടെ ഭാഗമായാണ് യുവാവ് കാറില്‍ ചാണകം പൂശിയത്. ഏകദേശം 30 വാഹനങ്ങൾ മത്സരത്തിൽ പങ്കെടുത്തു.

ഇരുപത്തിയൊന്നു കിലോഗ്രാം ചാണകം വാഹനത്തിൽ പൂശി എന്നാണ് രാജേഷ് പറയുന്നത്. ചാണകത്തിന്റെ പുനരുപയോഗത്തെക്കുറിച്ചുള്ള വിവരങ്ങളും കാറില്‍ രേഖപ്പെടുത്തി.

റാലിയില്‍ പങ്കെടുത്തവര്‍ നിരവധി ആശയങ്ങള്‍ കാറുകളില്‍ ഒരുക്കിയിരുന്നു. ചിലര്‍ സ്ത്രീ ശാക്തീകരണം, പരിസ്ഥിതി സൗഹാര്‍ദം, മയക്കുമരുന്ന് വ്യാപനം അടക്കം നിരവധി വിഷയങ്ങള്‍ കാറുകളില്‍ അവതരിപ്പിച്ചു.