ബാറ്റ് കയ്യിലെടുത്തിട്ട് അഞ്ച് മാസം; ഇടവേളക്ക് ശേഷം നെറ്റ്‌സിലെത്തിയപ്പോള്‍ പേടിച്ചതായി വിരാട് കോഹ്‌ലി

അഞ്ച് മാസത്തെ ഇടവേളക്ക് ശേഷം ബാറ്റ് കയ്യിലെടുത്തപ്പോള്‍ പേടി തോന്നിയതായി ഇന്ത്യൻ നായകൻ വിരാട് കോഹ്‌ലി.

ഐപിഎല്ലിന് മുന്‍പായി നെറ്റ്‌സില്‍ പരിശീലനം ആരംഭിച്ചതിന് പിന്നാലെയാണ് കോഹ്‌ലിയുടെ വാക്കുകള്‍.

എന്നാല്‍ പ്രതീക്ഷിച്ചതിലും നന്നായി കാര്യങ്ങള്‍ മുന്‍പോട്ട് പോയി. എനിക്ക് പേടിയുണ്ടായിരുന്നു. കഴിഞ്ഞ 5 മാസമായി ഞാന്‍ ബാറ്റ് കയ്യിലെടുത്തിട്ടില്ല, ബാംഗ്ലൂര്‍ റോയല്‍ ചലഞ്ചേഴ്‌സ് പങ്കുവെച്ച വീഡിയോയില്‍ കോഹ്ലി പറയുന്നു.

കഴിഞ്ഞ സീസണില്‍ ബാംഗ്ലൂരിന്റെ ടോപ് റണ്‍ സ്‌കോററായിരുന്നു കോഹ്‌ലി. ലോക്ക്ഡൗണ്‍ സമയത്ത് ഫിറ്റ്‌നസ് നിലനിര്‍ത്തിയത് നെറ്റിസില്‍ തുണച്ചതായും ബാംഗ്ലൂര്‍ റോയല്‍ ചലഞ്ചേഴ്‌സ് നായകന്‍ പറഞ്ഞു.

കൂടുതല്‍ നന്നായി പ്രതികരിക്കാന്‍ സാധിക്കുന്നു. പന്തില്‍ കൂടുതല്‍ സമയം ലഭിക്കുന്നു എന്ന തോന്നലാണ് ഉണ്ടാവുന്നത്..

ആദ്യ ദിവസത്തെ പരിശീലനത്തില്‍ സ്പിന്നര്‍മാര്‍ നല്ല നിലയില്‍ പന്തെറിയുന്നു എന്ന തോന്നലാണ് ഉണ്ടായത്. കൂടുതല്‍ സമയം ഒരേ ഏരിയയിലേക്ക് പന്തെറിയാന്‍ അവര്‍ക്കായി.

ഷഹബാസും, വാഷിങ്ടണും വളരെ നന്നായി എറിയുന്നു. ചഹല്‍ നന്നായി എറിയുന്നതും കണ്ടു. ക്യാംപിന് നല്ല തുടക്കം ലഭിച്ചതായാണ് മനസിലാക്കുന്നത് എന്നും കോഹ്ലി പറഞ്ഞു.