യുവാക്കൾക്കിടയിൽ വില്ലനാകുന്ന ഹൃദയാഘാതത്തെ ചെറുക്കാൻ ഈ 7 ഭക്ഷണങ്ങൾ പതിവാക്കാം

ഇന്ന് പ്രായഭേദമന്യേ എല്ലാവരുടെയും ജീവിതത്തിൽ വില്ലനായി മാറുകയാണ് ഹൃദയാഘാതം. ആദ്യകാലങ്ങളിൽ ഇത് പ്രായം ചെന്നവർക്ക് മാത്രമാണെന്ന് കരുതിയിരുന്നത്. എന്നാൽ ഇപ്പോൾ ആർക്കും ഇത് സംഭവിക്കാം എന്ന നിലയിലായി. പ്രധാനമായും മാറിയ ജീവിതരീതിയും ഭക്ഷണ ശൈലിയും ആണ് ഹൃദയാഘാതത്തിന് കാരണമാകുന്നത്.

സമ്മർദ്ദം, ഉറക്കമില്ലായ്മ, പുകവലി, മദ്യപാനം പ്രമേഹം, രക്തസമ്മർദ്ദം എന്നിവയും ഹൃദയാഘാതത്തിലേക്ക് നയിക്കുന്നു. ഇനി പറയുന്ന ഭക്ഷണങ്ങൾ പതിവാക്കിയാൽ യുവാക്കളിലെ ഹൃദയാഘാത സാധ്യത ഒരു പരിധിവരെ കുറയ്ക്കാൻ സാധിക്കും.

നേന്ത്രപ്പഴം: ഫൈബറും പൊട്ടാസ്യവും ധാരാളമായി അടങ്ങിയ പഴമാണ് നേന്ത്രപ്പഴം. ഇത് കൃത്യമായ അളവിൽ ദിവസവും ഏതെങ്കിലും സമയത്ത് ഭക്ഷണത്തിൽ ഉൾപ്പെടുത്തുന്നത് വളരെ നല്ലതാണ്.

വാൾനട്ട്സ് : ഒമേഗ ത്രീ ഫാറ്റി ആസിഡ് , ശരീരത്തിന് അത്യാവശ്യമായ വിറ്റാമിനുകളും ധാതുക്കളുടെയും കലവറയാണ് വാൾനട്ട്. ഇത് ഭക്ഷണത്തിൽ ഉൾപ്പെടുത്തുന്നത് വളരെ നല്ലതാണ്. ഹൃദായാഘാത സാധ്യത കുറയ്ക്കും.

സ്പിനാച്ച് : ഫൈബർ, വിറ്റാമിൻസ്, പ്രോട്ടീൻ ശരീരത്തിന് ആവശ്യമായ മറ്റു മിനറലുകൾ എന്നിവ ഇതിൽ അടങ്ങിയിരിക്കുന്നു. അതിനാൽ സ്പിനാച്ച് ദിവസവും കഴിക്കുക.

അവക്കേഡോ: ശരീരത്തിന് അത്യാവശ്യമായ ആന്റിഓക്സിഡന്റുകൾ ധാരാളമായി അടങ്ങിയ ഈ പഴവർഗം ദിവസവും ഭക്ഷണത്തിൽ ഉൾപ്പെടുത്തുക. ഹൃദയാഘാത സാധ്യത കുറയ്ക്കാൻ ഇത് വളരെ നല്ലതാണ്.

യോഗർട്ട്: സൈബർ കാൽസ്യം പ്രോട്ടീൻ എന്നിവ ധാരാളമായി അടങ്ങിയിരിക്കുന്ന യോഗേർട് പതിവാക്കുന്നത് ശരീരത്തിന് വളരെ നല്ലതാണ്.

ബെറീസ്: വിറ്റാമിൻ സി, കെ, ആന്റി ഓക്സിഡന്റുകൾ എന്നിവയുടെ മികച്ച ഉറവിടമായ ബെറികൾ ഭക്ഷണത്തിൽ ഉൾപ്പെടുത്തുന്നത് ​ഹൃദയാഘാതം ഉണ്ടാക്കാനുള്ള സാധ്യത കുറയ്ക്കുന്നു.

ഈ ഭക്ഷണങ്ങളെല്ലാം പതിവായി കഴിക്കുന്നത് ശരീരത്തിന് വളരെ നല്ലതാണെന്നും യുവാക്കളിൽ ഹൃദയാഘാത സാധ്യത കുറയ്ക്കുന്നുവെന്നും ഹെൽത്ത് സൈറ്റ് ഡോട്ട് കോം റിപ്പോർട്ട് ചെയ്യുന്നു. എന്നിരുന്നാലും ഇത് പരീക്ഷിക്കുന്നതിന് മുന്നോടിയായി വൈദ്യോപദേശം തേടുക.