Yellow Turtle | പഴുത്ത മാങ്ങയല്ല, ഇത് ആമയാണ്; ഒഡീഷയിൽ കണ്ടെത്തിയ അപൂർവയിനം ആമ

ഒഡീഷയിലെ സുജൻപൂരിലാണ് മഞ്ഞ നിറത്തിലുള്ള അപൂർവ ആമയെ കണ്ടെത്തിയത്. ഗ്രാമവാസികൾ കണ്ടെത്തിയ ആമയെ പിന്നീട് വനംവകുപ്പിനെ ഏൽപ്പിച്ചു.

സുജൻപൂർ ഗ്രാമത്തിൽ ഇന്നലെയാണ് ആമയെ കണ്ടെത്തിയത്. തോട് മാത്രം മഞ്ഞ നിറമുള്ള ആമയെ നേരത്തേ കണ്ടെത്തിയിരുന്നെങ്കിലും പൂർണമായും മഞ്ഞ നിറമുള്ള ആമയെ കണ്ടെത്തുന്നത് ഇതാദ്യമായാണ്.

ഇതാദ്യമായാണ് മഞ്ഞ നിറത്തിലുള്ള ആമയെ കാണുന്നതെന്ന് വനംവകുപ്പ് ഉദ്യോഗസ്ഥനായ ഭാനൂമിത്ര ആചാര്യ പറയുന്നു.

ശരീരം പൂർണമായും മഞ്ഞ നിറത്തിലുള്ള ആമയെയാണ് കണ്ടെത്തിയത്.

ഐഎഫ്എസ് ഉദ്യോഗസ്ഥനായ സുശാന്ത് ശർമ അപൂർവ ആമയുടെ ദൃശ്യങ്ങൾ ട്വിറ്ററിൽ പങ്കുവെച്ചിട്ടുണ്ട്.

വീഡിയോ കണ്ട നിരവധി പേരും ഇതുപോലൊരു ആമയെ ആദ്യമായാണ് കാണുന്നതെന്ന് പറയുന്നു.

വർഷങ്ങൾക്ക് മുമ്പ് സിന്ധിൽ ഇതുപോലൊരു ആമയെ കണ്ടെത്തിയിരുന്നതായി സുശാന്ത് നന്ദ പറയുന്നു.

ആമയുടെ കണ്ണുകൾ പിങ്ക് നിറത്തിലാണ്. ശരീരത്തിൽ പിഗ്മെന്റിന്റെ അഭാവം മൂലമുണ്ടാകുന്ന ആൽബിനിസം എന്ന അവസ്ഥയാകാം ആമയുടെ മ‍ഞ്ഞ നിറത്തിന് കാരണമെന്നാണ് വിദഗ്ധർ പറയുന്നത്.