നവരാത്രി ആഘോഷ നിറവിൽ കൊല്ലൂർ മൂകാംബിക ക്ഷേത്രം; പുഷ്പ രഥോത്സവം നാളെ

നവരാത്രി ആഘോഷ നിറവിലാണ് കൊല്ലൂര്‍ മൂകാംബിക ദേവി ക്ഷേത്രം. വാഗ്ദേവതയായ ദേവി മൂകാംബികയുടെ അനുഗ്രഹം നേടാനായി ദക്ഷിണേന്ത്യയിലെ എല്ലാ സംസ്ഥാനങ്ങളില്‍ നിന്നുമായി നിരവധി ഭക്തരാണ് എത്തുന്നത്.

നവരാത്രി നാളിലെ ക്ഷേത്രത്തിലെ പ്രധാന ചടങ്ങായ ദേവിയുടെ പുഷ്പ രഥോത്സവം തിങ്കളാഴ്ച ഉച്ചയ്ക്ക് 12.20ന് നടക്കും.

ദുര്‍ഗാഷ്ടമി നാളായ ഇന്ന് പ്രത്യേക പൂജകള്‍ ക്ഷേത്രത്തില്‍ നടന്നു. മഹാനവമി ദിനമായ നാളെ നടക്കുന്ന പുഷ്പ രഥോത്സവത്തിന്‌‍റെ അവസാനവട്ട ഒരുക്കത്തിലാണ് മൂകാംബിക ക്ഷേത്രവും പരിസരവും

പുഷ്പത്താൽ അലങ്കരിച്ച രഥത്തിൽ ദേവിയെ എഴുന്നള്ളിച്ച് ക്ഷേത്രത്തിൽ പ്രദക്ഷിണം വെക്കുന്നതാണ് ചടങ്ങ്.

പൂക്കൾ, പഴങ്ങൾ, പച്ചക്കറികൾ എന്നിവ കൊണ്ടാണ് പൂജാരിമാര്‍ ദേവിയുടെ രഥത്തിന്റെ അലങ്കാരം ഒരുക്കുന്നത്

വിജയദശമി ദിനമായ ചൊവ്വാഴ്ച ആയിരക്കണക്കിന് കുരുന്നുകള്‍ ദേവിയുടെ മുന്‍പില്‍ ആദ്യാക്ഷരം കുറിക്കും. ക്ഷേത്രത്തിലെ സരസ്വതി മണ്ഡപത്തിലാണ് വിദ്യാരംഭ ചടങ്ങുകള്‍

മഹാനവമി ദിനത്തിലെ പുഷ്പ രഥോത്സവം കാണാനും ക്ഷേത്രം വലം ചെയ്യുന്ന രഥത്തില്‍ നിന്നും വാരിയെറിയുന്ന നാണയത്തുട്ടുകള്‍ സ്വന്തമാക്കാനുമായി ആയിരങ്ങളാണ് മൂകാംബിലെത്തുന്നത്

ഇത്തരത്തിൽ നാണയം ലഭിക്കുന്നവർക്ക് ഐശ്വര്യം കൈവരുമെന്നാണ് വിശ്വാസം. ക്ഷേത്രം തന്ത്രി നിത്യാനന്ദ അഡിഗയുടെ കാർമ്മികത്വത്തിലാണ് ചടങ്ങുകൾ നടക്കുന്നത് .

മലയാളികൾ ഉൾപ്പെടെ പതിനായിരങ്ങളാണ് രഥോത്സവത്തിനും വിദ്യാരംഭ ചടങ്ങുകൾക്കുമായി കൊല്ലൂരിലെത്തിയിരിക്കുന്നത്.

വിജയദശമി ദിനമായ നാളെ പുലർച്ചെ 4 മണി മുതൽ തന്നെ വിദ്യാരംഭ ചടങ്ങുകൾ ആരംഭിക്കും.സരസ്വതി മണ്ഡപത്തിൽ ഇരുപതോളം പുരോഹിതന്മാരുടെ കാർമികത്വത്തിലാണ് വിദ്യാരംഭ ചടങ്ങുകൾ നടക്കുക.

കലാരംഗത്ത് പ്രവര്‍ത്തിക്കുന്ന പ്രഗത്ഭരായ നിരവധി പേരുടെ ഇഷ്ട സങ്കേതമാണ് കൊല്ലൂര്‍ മൂകാംബിക ക്ഷേത്രം

നൃത്തം, സംഗീതം, വാദ്യകല തുടങ്ങിയ അഭ്യസിച്ച നിരവധി പേരാണ് ദിനംപ്രതി അരങ്ങേറ്റം നടത്താനായി ക്ഷേത്രത്തിലെത്തുന്നത്.

ക്ഷേത്രത്തിന് സമീപത്തായുള്ള കുടജാദ്രി മലനിരകളും സൌപര്‍ണിക നദിയും ദിവ്യമായ അനുഭൂതിയാണ് ഭക്തര്‍ക്ക് നല്‍കുന്നത്