രാവിലെ ഉറക്കമെഴുന്നേൽക്കുമ്പോൾ ശരീരം മുഴവുൻ വേദനയുണ്ടോ? കാരണങ്ങൾ ഇതാകാം

പ്രത്യേകിച്ച് കായികാധ്വാനമൊന്നും ചെയ്തില്ലെങ്കിലും രാവിലെ ഉറക്കമെഴുന്നേൽക്കുമ്പോൾ ശരീരം മുഴുവൻ വേദന അനുഭവപ്പെടാറുണ്ടോ?

ഇത് പതിവാണെങ്കിൽ ചില കാര്യങ്ങൾ ശ്രദ്ധിക്കേണ്ടതുണ്ട്. അത് എന്തൊക്കെയാണെന്ന് നോക്കാം.

ഗുണനിലവാരമില്ലാത്ത മെത്ത: മറ്റെന്തിലും നിങ്ങൾ വിട്ടുവീഴ്ച്ച ചെയ്തോളൂ, പക്ഷേ, ശരീരത്തിന് പൂർണ വിശ്രമം നൽകേണ്ട മെത്തയിൽ വിട്ടുവീഴ്ച്ച പാടില്ല. ഗുണനിലവാരമില്ലാത്ത മെത്തയാകാം രാവിലെ എഴുന്നേൽക്കുമ്പോഴുള്ള ശരീര വേദനയുടെ ഒരു കാരണം.

കിടക്കുന്ന രീതി: കിടക്കുന്ന രീതി ശരിയല്ലെങ്കിലും ശരീര വേദനയുണ്ടാകാം. ഓരോരുത്തർക്കും ഉറങ്ങാൻ പ്രത്യേക കിടപ്പ് രീതിയുണ്ടാകും. ചെരിഞ്ഞു കിടക്കുന്നതാണ് കൂടുതൽ പേരുടേയും പതിവ്. ഇത് മികച്ചതാണ്. പ്രത്യേകിച്ച് ഒബ്‌സ്ട്രക്റ്റീവ് സ്ലീപ് അപ്നിയ പോലുള്ള സ്ലീപ് ബ്രീത്തിംഗ് ഡിസോർഡേഴ്സ് ഉള്ളവർക്ക്.

വളരെ സാധാരണമായ സ്ലീപ് ബ്രീത്തിംഗ് ഡിസോർഡറാണ് ഒബ്‌സ്ട്രക്റ്റീവ് സ്ലീപ് അപ്നിയയാണ്. രാത്രിയിൽ ഒന്നിലധികം തവണ ശ്വാസതടസ്സം ഉണ്ടാകുന്ന അവസ്ഥയാണിത്. ഇത് ഗുരുതരമാകുമ്പോൾ ചികിത്സ തേടണം.

അമിത ഭാരം: അമിത ഭാരവും ശരീര വേദനയ്ക്ക് കാരണമാകും. അധിക ഭാരം നിങ്ങളുടെ പുറകിലും കഴുത്തിലും സമ്മർദ്ദം ചെലുത്തുന്നു. ഇത് വേദനയ്ക്ക് കാരണമാകുന്നു. അമിതഭാരം ഉറക്കത്തിലെ ശ്വസന വൈകല്യങ്ങൾക്കും കാരണമാകും. ഇത് ഉറക്കത്തിന്റെ ഗുണനിലവാരത്തെയും ബാധിക്കും.

ഉറക്കത്തിലെ ശ്വസന വൈകല്യങ്ങളും ശരീര വേദനയ്ക്ക് കാരണമാകും. ‌സ്ലീപ് ബ്രീത്തിംഗ് ഡിസോർഡർ ഉണ്ടെങ്കിൽ ഉറക്കത്തിൽ ശ്വാസം നിലച്ചേക്കാം. ഇത് ശരീരത്തിൽ ഓക്സിജന്റെ അഭാവത്തിന് കാരണമാകുന്നു.

ചില രോഗാവസ്ഥകൾ മൂലവും രാവിലെ ഉറക്കമെഴുന്നേൽക്കുമ്പോൾ ശരീരവേദനയ്ക്ക് കാരണമാകാം.