നാരി ശക്തി; സ്ത്രീ സംരക്ഷണത്തിന് ഈ വനിതകൾ

രേഷ്മ നിലോഹർ നാഷ: രാഷ്ട്രപതിയിൽ നിന്ന് നാരി ശക്തി പുരസ്കാരം ഏറ്റുവാങ്ങുന്ന ഇന്ത്യയിലെ ആദ്യ വനിത മറൈൻ പൈലറ്റ് രേഷ്മ നിലോഫർ നാഷ. ഇന്ത്യയിലെ ഒരേ ഒരു വനിത മറൈൻ പൈലറ്റും രേഷ്മയാണ്.

ഡോ. സീമ റാവു: ഇന്ത്യയിലെ ആദ്യ വനിത കമാൻഡോ ട്രെയ്നർ ഡോ. സീമ റാവു. ഇന്ത്യയിലെ ഒരേയൊരുവനിത കമാൻഡോ ട്രെയ്നറും ഡോ. സീമ റാവുവാണ്. ആർമി, നേവി, എയർ ഫോഴ്സ്, പാര മിലിട്ടറി പോലീസ്, എൻഎസ്ജി, ഐടിബിപി, എസ്വിപി, എൻപിഎ തുടങ്ങി വിവിധ മേഖലകളിലെ 15,000 സൈനികർക്ക് സീമ സൗജന്യമായി പരിശീലനം നൽകിയിട്ടുണ്ട്.

പ്രഗ്യ പ്രസൂൻ; ആസിഡ് ആക്രമണത്തിന് ഇരയായതിനു പിന്നാലെ വർഷങ്ങളായി ആസിഡ് ആക്രമണ ഇരകളെ സംരക്ഷിക്കുകയും അവർക്കു വേണ്ടി പോരാടുകയും ചെയ്യുന്ന വനിതയാണ് പ്രഗ്യ പ്രസൂൻ. ആസിഡ് ആക്രമണത്തിന് ഇരകളായവർക്ക് സാമ്പത്തിക ഭദ്രതയും ചികിത്സയും നൽകുന്നതിന് ബെംഗളൂരുവിൽ 'അതിജീവൻ' എന്ന സ്ഥാപനം നടത്തി വരുന്നു.

ചേത്ന ഗാല സിൻഹ; ഗ്രാമീണ മേഖലയിലെ വനിതകൾക്ക് സാമ്പത്തിക സഹായവും വൈകാരിക പിന്തുണയും നൽകി മികച്ച സംരംഭകരാക്കുന്ന മൻ ദേശി മഹിള സഹകാരി ബാങ്കിന്റെ സ്ഥാപക. വനിതകൾക്കു വേണ്ടി മാത്രമുളള ഇന്ത്യയിലെ ആദ്യ ബാങ്കാണിത്.

കെ. രാധ ദേവി; ആന്ധ്രപ്രദേശ് സ്റ്റേറ്റ് വുമൺ ബാർബേഴ്സ് പ്രസിഡന്റ്. തിരുമല തിരുപ്പതി ദേവസ്ഥാനംസ് വുമൺ ബാർബേഴ്സ് സ്ഥാപകയും പ്രസിഡന്റും. പുരുഷന്മാരുടെ കുത്തകയായ തിരുമല ക്ഷേത്രത്തിലെ ബാർബർ ജോലിക്കായി സ്ത്രീകൾക്ക് അവസരം ഉണ്ടാക്കി.

റുമ ദേവി: സ്ത്രീകളുടെ അവകാശങ്ങൾക്കായി പോരാടുന്നു. സ്ത്രീകൾക്കായുള്ള സ്വയം സഹായ സംഘം രൂപീകരിക്കുന്നതിനുള്ള നാമമാത്ര വേതനം കണ്ടെത്തുന്നതിനായി കരകൗശല വസ്തുക്കൾ ഉണ്ടാക്കി. ഗ്രാമീൺ വികാസ് ചേതന സൻസ്ഥാൻ പ്രസിഡന്റ്.

സുനിത ദേവി: സ്വച്ഛ് ഭാരത് മിഷൻ ഗ്രാമീണിലെ മാസ്റ്റർ ട്രെയിനർ. സ്വച്ഛ്ഭാരത് മിഷനു കീഴിൽ 1600 സ്ത്രീകൾക്ക് മേസ്തിരിപ്പണിയിൽ പരിശീലനം നൽകി.