ലോകത്തെ ഏറ്റവും ഗതാഗതക്കുരുക്കുള്ള നഗരം ഇന്ത്യയിലാണ്; അറിയാം പട്ടികയിലെ ആദ്യ 10 നഗരങ്ങളെ

മുംബൈ- തുടർച്ചയായ രണ്ടാം വർഷവും ഏറ്റവും ഗതാഗതക്കുരുക്കുള്ള നഗരങ്ങളുടെ പട്ടികയിൽ മുംബൈ ഒന്നാമതെത്തി. 65 ശതമാനമാണ് ഇവിടത്തെ ഗതാഗതക്കുരുക്കിന്റെ നിരക്ക്. ഉയർന്ന ജനസംഖ്യയും അടിസ്ഥാന സൗകര്യവികസനങ്ങളുടെ അഭാവവുമാണ് ഇതിന് കാരണമായ ഘടകങ്ങൾ. 2011ലെ സെൻസസ് പ്രകാരം 1.84 കോടിയാണ് മുംബൈയിലെ ജനസംഖ്യ.

ബൊഗോട്ട (കൊളംബിയ)- കൊളംബിയൻ നഗരമായ ബൊഗോട്ടയിൽ ഗതാഗതക്കുരുക്കിന്റെ തോത് 63 ശതമാനമാണ്. തിരക്ക് കാരണം വർഷത്തിൽ രണ്ട് തൊഴിൽദിനം നഷ്ടപ്പെടുന്നുവെന്നാണ് കണക്കുകൾ.

ലിമ (പെറു)- ശരാശരി ഗതാഗതക്കുരുക്ക് നിരക്ക് 58 ശതമാനമാണ്. ചില ദിവസങ്ങളിൽ ഇത് 85 ശതമാനം വരെയാകാറുണ്ട്.

ഡൽഹി - രാജ്യതലസ്ഥാനത്തെ ഗതാഗതക്കുരുക്കിന്റെ തോത് 58 ശതമാനമാണ്. രാവിലെയും വൈകിട്ടും ഇതിലും ഭീകരമാണ് അവസ്ഥ.

മോസ്കോ- റഷ്യൻ തലസ്ഥാന നഗരത്തിലെ തിരക്ക് 56 ശതമാനമാണ്. ചില ദിവസങ്ങളിൽ ഇത് 125 ശതമാനം വരെയാകാറുണ്ട്.

ഇസ്താൻബുൾ- യൂറോപ്പിലെ ഏറ്റവും തിരക്കുള്ള നഗരം. 53 ശതമാനമാണ് ഇവിടത്തെ ഗതാഗതക്കുരുക്കിന്റെ നിരക്ക്.

ജക്കാർത്ത- ഗതാഗതക്കുരുക്കിന്റെ കാര്യത്തിൽ ലോകത്തെ ഏഴാമത്തെ നഗരം. 53 ശതമാനമാണ് നിരക്ക്. വൈകിട്ട് അഞ്ചുമുതൽ ഏഴുവരെയാണ് തിരക്ക് കഠിനമാകുന്നത്.

ബാങ്കോക്- എട്ടാം സ്ഥാനത്താണ് തായ്ലാന്റിന്റെ തലസ്ഥാന നഗരം.

മെക്സിക്കോ സിറ്റി- ഗതാഗതക്കുരുക്കിന്റെ നിരക്ക് 52 ശതമാനമാണ്. മെക്സിക്കോയുടെ സാമ്പത്തിക വളർച്ചയെ വരെ പിറകോട്ടടിക്കുന്ന വിഷയമാണ് ഇത് മാറിക്കഴിഞ്ഞു.

റിസൈഫ് (ബ്രസീൽ)- 49 ശതമാനമാണ് ഇവിടത്തെ നിരക്ക്. രാവിലെ ഏഴിനും എട്ടിനുമിടയിലും വൈകിട്ട് അഞ്ചിനും എട്ടിനുമിടയിലുമാണ് ഗതാഗതക്കുരുക്ക് രൂക്ഷമാകുന്നത്.