രാമക്ഷേത്ര പ്രാണ പ്രതിഷ്ഠ; രാംലല്ല വിരാജ്മാന്‍ മൂലവിഗ്രഹം 70 വര്‍ഷത്തിന് ശേഷം ഇന്ന് ശ്രീകോവിലിലേക്ക്

ജനുവരി 22ന് നടക്കുന്ന അയോധ്യ രാമക്ഷേത്ര പ്രാണപ്രതിഷ്ഠയ്ക്ക് മുന്നോടിയായി രാംലല്ല വിരാജ്മാന്‍റെ മൂലവിഗ്രഹം ഞായറാഴ്ച പുതിയ രാമക്ഷേത്രത്തിലേക്ക് മാറ്റും. (photo: fb/Shri Ram Janmbhoomi Teerth Kshetra)

വൈകിട്ട് 8 മണിക്ക് നടക്കുന്ന ശയന ആരതിക്ക് ശേഷമാകും രാംലല്ലയുടെ മൂലവിഗ്രഹം പുതിയ ക്ഷേത്രത്തിലെ ശ്രീകോവിലിലേക്ക് മാറ്റുക. (photo: fb/Shri Ram Janmbhoomi Teerth Kshetra)

കഴിഞ്ഞ 70 വര്‍ഷത്തോളമായി താത്കാലിക ക്ഷേത്രത്തില്‍ ഭക്തര്‍ക്ക് ദര്‍ശനം നല്‍കിയിരുന്ന വിഗ്രഹമാണ് ഇനി പ്രൗഢഗംഭീരമായ പുതിയ ക്ഷേത്രത്തിൽ കാണാനാവുക.(photo: fb/Shri Ram Janmbhoomi Teerth Kshetra)

രാമസഹോദരന്മാരായ  ലക്ഷ്മണൻ, ശത്രുഘ്നൻ, ഭരതൻ എന്നിവരുടെയും ഹനുമാൻ സ്വാമിയുടെയും യഥാർത്ഥ വിഗ്രഹങ്ങളും ക്ഷേത്രത്തിലേക്ക് ഇതൊടൊപ്പം മാറ്റും. (photo: fb/Shri Ram Janmbhoomi Teerth Kshetra)

ജനുവരി 22-ന് നടക്കുന്ന പ്രാൺ പ്രതിഷ്ഠാ ചടങ്ങിന് മുന്നോടിയായി മൂലവിഗ്രഹങ്ങളും പുതിയ ക്ഷേത്രത്തിലേക്ക് മാറ്റുമെന്ന് ന്യൂസ് 18 നേരത്തെ റിപ്പോർട്ട് ചെയ്തിരുന്നു. (photo: fb/Shri Ram Janmbhoomi Teerth Kshetra)

പതിറ്റാണ്ടുകൾക്ക് ശേഷം ജനുവരി 20, 21 തീയതികളിൽ ക്ഷേത്രം അടച്ചതിനാൽ രണ്ട് ദിവസത്തേക്ക് രാം ലല്ല വിരാജ്മാൻറെ ദ‍‍‌ർശനം ഭക്തർക്ക് ലഭിച്ചിരുന്നില്ല. പ്രാണ പ്രതിഷ്ഠയ്ക്ക് ശേഷം പുതിയ ശ്രീകോവിലിലാകും രാംലല്ലയെ ദർശിക്കാനാവുക. (photo: fb/Shri Ram Janmbhoomi Teerth Kshetra)

51 ഇഞ്ച് ഉയരമുള്ള രാം ലല്ലയുടെ പുതിയ വിഗ്രഹം രാമക്ഷേത്രത്തിന്റെ ഗർഭഗൃഹത്തിനുള്ളിലെ പീഠത്തിൽ സ്ഥാപിച്ചിട്ടുണ്ട്. ഇതിന് മുന്‍പിലായാകും മൂലവിഗ്രഹങ്ങൾ പ്രതിഷ്ഠിക്കുക.

രാം ലല്ലയുടെ യഥാർത്ഥ വിഗ്രഹത്തിന് വെറും ആറ് ഇഞ്ച് മാത്രമാണ് ഉയരമുള്ളത്, ലക്ഷ്മണൻ, ഭരതൻ, ശത്രുഘ്നൻ, ഭഗവാൻ ഹനുമാൻ എന്നിവരുടെ വിഗ്രഹങ്ങൾ അതിലും ചെറുതാണ്. ഇതിനാലാണ് രാമക്ഷേത്ര ട്രസ്റ്റ് രാമലല്ലയുടെ ഒരു വലിയ വിഗ്രഹം നിർമ്മിക്കാൻ തീരുമാനിച്ചത്,(photo: fb/Shri Ram Janmbhoomi Teerth Kshetra)

ഇതിലൂടെ ഭക്തർക്ക് ദേവന്റെ മഹത്തായ ദർശനം ലഭിക്കും. പുതിയ വിഗ്രഹത്തിന്റെയും രാം ലല്ലയുടെയും അദ്ദേഹത്തിന്റെ സഹോദരന്മാരുടെയും യഥാർത്ഥ വിഗ്രഹങ്ങളുടെയും സംയുക്ത ദർശനം ഇനി ഭക്തർക്ക് ലഭിക്കും.(photo: fb/Shri Ram Janmbhoomi Teerth Kshetra)