Tokyo Paralympics| 'മെഡൽ പേ ചർച്ച'; ഇന്ത്യൻ പാരാലിമ്പിക് താരങ്ങളെ കണ്ട് പ്രധാനമന്ത്രി നരേന്ദ്ര മോദി

ബാഡ്മിന്റണിൽ വെളളി നേടിയ സുഹാസ് യതിരാജുമൊത്ത് പ്രധാനമന്ത്രി നരേന്ദ്ര മോദി. പുരുഷ വിഭാഗം ബാഡ്​മിന്‍റൺ എസ്​.എൽ 4 വിഭാഗത്തിൽ വെള്ളി നേടിയ താരം ഐ എ എസ് ഓഫീസർ കൂടിയാണ്. ഡൽഹി നോയ്ഡയിലെ ഡിസ്ട്രിക്ട് മജിസ്‌ട്രേറ്റ് ആണ് ഈ 38കാരൻ.

ടോക്യോയിൽ മെഡൽ നേടിയ ഇന്ത്യൻ പാരാലിമ്പിക് താരങ്ങൾക്കായി വിരുന്നൊരുക്കിയ പ്രധാനമന്ത്രി അവരുമായി മെഡൽ പേ ചർച്ച എന്ന പരിപാടിയിലും പങ്കെടുത്തു. യാതൊരു വിധ മുന്നൊരുക്കങ്ങളും കൂടാതെ നടന്ന ഈ ചർച്ചയിൽ പ്രധാനമന്ത്രി ഇന്ത്യൻ താരങ്ങളുടെ മെഡൽ നേട്ടത്തിലേക്കുള്ള യാത്രയുടെ കഥകൾ താരങ്ങളിൽ നിന്നും കേട്ടിരിക്കുകയായിരുന്നു.

ടോക്യോ പാരാലിമ്പിക്‌സിലേക്കുള്ള തന്റെ യാത്ര പ്രധാനമന്ത്രിയുമായി പങ്കുവെക്കുന്ന ഇന്ത്യൻ യുവതാരം പാലക് കോഹ്ലി.

രാജ്യത്തിനായി മെഡൽ നേടിയ താരങ്ങളുടെ കയ്യിൽ നിന്നും പ്രധാനമന്ത്രി അവരുടെ ഓട്ടോഗ്രാഫുകൾ വാങ്ങുകയുണ്ടായി. പാരാലിമ്പിക്‌സ്‌ ചരിത്രത്തിൽ ഇന്ത്യയുടെ മികച്ച പ്രകടനമാണ് ടോക്യോയിൽ പിറന്നത്. അഞ്ച് സ്വർണമടക്കം 19 മെഡലുകളാണ് ഇന്ത്യ ടോക്യോയിൽ നിന്നും നേടിയത്.

പാരാലിമ്പിക്‌സിലെ ഇന്ത്യയുടെ ചരിത്രനേട്ടം താരങ്ങളുമൊത്ത് ആഘോഷിക്കുന്ന പ്രധാനമന്ത്രി നരേന്ദ്ര മോദി