കുര്‍ത്തയണിഞ്ഞ് കോലി; കൂടെ അനുഷ്‌ക; ഭാര്യയ്ക്കും മകൾക്കുമൊപ്പം രോഹിത്ത്; ദീപാവലി ആഘോഷിച്ച് ഇന്ത്യന്‍ ക്രിക്കറ്റ് താരങ്ങൾ

ഏകദിന ക്രിക്കറ്റ് ലോകകപ്പില്‍ നെതര്‍ലന്‍ഡ്‌സിനെതിരായ മത്സരത്തിന് മുമ്പ് ദീപാവലി ആഘോഷിച്ച് ഇന്ത്യന്‍ താരങ്ങള്‍. ഇന്ത്യൻ ക്രിക്കറ്റർമാർ നടത്തിയ ദീപാവലി സെലിബ്രേഷന്റെ ചിത്രങ്ങളാണ് സമൂഹ മാധ്യമങ്ങളിൽ വൈറലായത്. കഴിഞ്ഞ ദിവസം ബെംഗളൂരുവിലാണ് കുടുംബത്തോടൊപ്പം ഇന്ത്യന്‍ ക്രിക്കറ്റ് താരങ്ങൾ ദീപാവലി ആഘോഷമാക്കിയത്.

ആഘോഷത്തില്‍ പങ്കെടുക്കാൻ എല്ലാവരും എത്തിയത് പരമ്പരാഗത ഇന്ത്യന്‍ വസത്രങ്ങള്‍ അണിഞ്ഞാണ്. ഒപ്പം ദീപാവലിയോട് അനുബന്ധിച്ച് മധുരപലഹാരങ്ങളും ഒരുക്കിയിരുന്നു.

എന്തായാലും ഇന്ത്യൻ ടീമംഗങ്ങളുടെ ദീപാവലി സെലിബ്രേഷന്റെ ഗ്രൂപ്പ് ഫോട്ടോയാണ് ഇപ്പോൾ സോഷ്യൽ മീഡിയയില്‍ വൈറലായി മാറിയിരിക്കുന്നത്.ചുരുക്കം ചില താരങ്ങൾ ഒഴികെ ബാക്കിയെല്ലാവരും കുർത്തയും പൈജാമയും അണിഞ്ഞാണ് പരിപാടിക്കെത്തിയത്.

അനുഷ്ക ശർമ്മയ്ക്കൊപ്പമാണ് വിരാട് കോഹ്ലി ദീപാവലി ആഘോഷിക്കാനെത്തിയത്. ഇരുവരും ഒന്നിച്ചുള്ള ചിത്രങ്ങൾ സോഷ്യൽ മീഡിയ ഏറ്റെടുത്ത് കഴിഞ്ഞു. കുര്‍ത്തയണിഞ്ഞ് കോലി ആഘോഷത്തിൽ പങ്കെടുത്തത്. സല്‍വാര്‍ സ്യൂട്ടില്‍ അനുഷ്‌കയും എത്തി.

ഭാര്യ റിതികയ്‌ക്കൊപ്പമെത്തിയ ഇന്ത്യന്‍ ക്യാപ്റ്റന്‍ രോഹിത് ശര്‍മ എത്തിയത്. ആഘോഷത്തിന്റെ ചിത്രം സോഷ്യല്‍ മീഡിയയില്‍ താരം തന്നെ പങ്കുവെച്ചിട്ടുണ്ട്. നീലയും വെള്ളയും നിറത്തിലുള്ള കുര്‍ത്തയായിരുന്നു രോഹിതിന്റെ വേഷം. റിതിക പിങ്ക് കാഫ്താനും ധരിച്ചു.

പച്ച കുര്‍ത്തയായിരുന്നു കോലിയുടെ വേഷം. അനുഷ്‌ക പിങ്ക്-പര്‍പ്പ്ള്‍ സല്‍വാര്‍ സ്യൂട്ടും ധരിച്ചു.

രവീന്ദ്ര ജഡേജയ്‌ക്കൊപ്പം ഭാര്യ റിവാബയും ആഘോഷത്തില്‍ പങ്കെടുത്തു. കറുപ്പ് കുര്‍ത്തയാണ് ജഡേജ ധരിച്ചത്. റിവാബ സാരിയിലാണ് ചടങ്ങിനെത്തിയത്.